San Lucas 21:23 - Tũpa Ñehengagüer

²³ ¡Iparaɨsu itera ahe arɨ pɨpe cuña ipuruha vahe, imembɨ pĩtani vahe avei! Esepia, oimera tecoasɨsa co ɨvɨ pɨpendar upe, ñemoɨrosa tuvichá vahe ahe ava recocuer rese.

Tüpä Ñe'ëngagwer

²³ ¡Iparaɨsu itera a'e arɨ pɨpe kuña ipuru'a va'e, imembɨ pitani va'e aveino! Esepia oimerä tekoasɨsa ko ɨvɨ pɨpendar upe, iyavei ñemoɨrösa tuvicha va'e tekwa uve narä.

San Lucas 21:23 Iomraidhean Croise

San Mateo 21:16

aipo ehi chupe: —¡Eresendu vo aipo ehi tẽi vahe chĩhivahe yuvɨreco! —ehi. —Taa, asendu ité —ehi—. Pe no, ¿ndapeyeroquɨi vo sesendar ñehesa icuachiaprɨ pɨpe: ‘Chĩhivahemi, pĩtanimi avei osapucaira nde mboeteisa pɨpe yuvɨreco’ ehi vahe? —ehi.

San Mateo 21:41

Ahe evocoiyase, —Opara revo oyuca saɨsuẽhɨsa pɨpe ité co ava ndipɨhai vahe yuvɨreco. Ipare revo omondora oɨvɨ ambuae ava oporavɨquɨ vahe uve iporu ãgua ‘ahe tombou voimi uva ipohopɨrer cheundar cheu curi’ ohesa pɨpe —ehi yuvɨreco.

San Mateo 21:44

Acoi que ovɨapi vahe evocoi ita harɨve, opa tẽira ahe ae oyemomara; iyavei acoi ovɨapise evocoi ita que ava harɨve, ahese opa tuprɨ aveira omocañɨ —ehi Jesús oñehe oyese.

San Mateo 24:19

¡Iparaɨsu itera cuña ipuruha vahe, imembɨ pĩtani vahe avei yuvɨreco!

San Marcos 13:17

¡Iparaɨsu itera cuña ipuruha vahe ahe arɨ pɨpe, imembɨ pĩtani vahe avei!

San Lucas 19:27

‘Acoi ava che amotarẽhɨmbar, ndache potai vahe mborerecuarã yuvɨreco, ahe opara peru cohave che rovai yucapa ãgua’ ehi” ehi Jesús ava eta upe.

San Lucas 19:43

“Oimera rumo arɨ imombehuprɨ naporai vahe pẽu curi. Pe amotarẽhɨmbar oñachi irira pe recua. Ipare oyere tuprɨra yuvɨreco pe rese pẽu ovava ãgua.

San Lucas 23:29

Esepia, oura arɨ naporai vahe. Ahese aipo peye tẽira: ‘Avɨye catu acoi cuña nimembɨi vahe iyavei ndoicuai vahe imocambu omembrɨ’ peye tẽira.

1 Corintios 7:26

Cheu avɨye catuño ité ndomendai vahe ẽgüe ehiño tẽise yuvɨreco viña. Esepia niha, tecocuer yavaí eteanga cũritei.

1 Tesalonicenses 2:16

Esepia, acoi oroñehe potase ava ndahei vahe judío upe iñepɨsɨro ãgua rese, ahe rumo ndoipotai yuvɨreco oreu. Ipɨpe sui oyemboangaipa catu yuvɨreco. Cũritei rumo Tũpa ñemoɨrosa ipĩrata vahe ou iharɨve yuvɨreco cute.

Hebreos 13:16

Peresarai eme catu ambuae ava upe mbahe tuprɨ aposa sui. Iyavei pemondoño ité mbahe pereco vahe ambuae ava upe. Esepia, evocoi nungar inungar mbahe seropovẽheprɨ Tũpa upe. Ahe niha Tũpa oipota.

Santiago 5:1

¡Pe mbahe yar, pesendu co: peyaseho iyavei perãse! Esepia, peiporarara mbahe tẽi peico.

1 San Pedro 4:17

Esepia, oyepota ité arɨ Jesús reroyasar upe rane ité tecocuer rese porandu ãgua. Ẽgüe ehise yandeu, mbahe tẽi catu itera Jesús reroyasarẽhɨ upe.