San Lucas 20:17 - Tũpa Ñehengagüer

¹⁷ Omahese rumo ahe ava rese aipo ehi: —¿Mara oya vo co aipo ehi icuachiaprɨ aracahendar pɨpe?: ‘Co ita oɨ aposar opaño omombo yuvɨreco, ahe ita rumo avɨye catu vahe oɨ movɨracua tuprɨ ãgua’ ehi.

Tüpä Ñe'ëngagwer

¹⁷ Jesús oma'e sese aipo e'i:–Evokoiyase ¿mba'e vo omombe'u ko Ikwachiaprɨ pɨpe?:‘Ko ita oɨ aposar opaño omombo yuvɨrekoa'e oyeapo ita ovɨräkwä tuprɨ katu va'e rese.’

San Lucas 20:17 Iomraidhean Croise

San Mateo 21:42

Aipo ihe pare, aipo ehi oñehe rendusar upe: —¿Ndapeyeroquɨi vo co aipo ehi vahe icuachiaprɨ pɨpe? ‘Co ita oɨ aposar opaño omombo yuvɨreco. Ahe ita rumo avɨye catu vahe oɨ movɨracua tuprɨ ãgua. Ẽgüe ehi niha Yar yapo yande mohapɨsɨ ai eté’ ehi icuachiaprɨ pɨpe.

San Marcos 10:23

Evocoiyase omahe oɨvɨindar güemimbohe rese, aipo ehi: —¡Yavai eté rumo ava mbahe yar reique ãgua che Ru Tũpa mborerecuasave! —ehi.

San Marcos 12:10

“¿Ndapeyeroquɨi vo pe co icuachiaprɨ pɨpe? Aipo ehi niha acoi: ‘Co ita oɨ aposar opaño omombo yuvɨreco. Ahe ita rumo avɨye catu vahe oɨ movɨracua tuprɨ ãgua.

San Marcos 3:5

Evocoiyase omahe ava oyese oyere tuprɨ vahe rese vorɨẽhɨsave iyavei ndovɨhai ava ndosenducua catuise yuvɨreco. Sese aipo ehi ipo nomɨi vahe uve: —Eichoho nde yɨva —ehi. Evocoiyase oichoho oyɨva, ocuera tuprɨ ité.

San Lucas 19:41

Oyepota senimise tecua Jerusalén ve, ahe tecua repiase, oyaseho sese

San Lucas 22:37

Supi eté amombehu pẽu: iyacatu ité imboavɨye tuprɨ ãgua co che rese ñehesa imombehuprɨ aipo ehi vahe: ‘Ava vɨreco ndaseco põrai vahe nungar yuvɨreco’ ehi vahe. Supi eté yavɨyera co icuachiapɨrer che resendar —ehi.

San Lucas 22:61

Evocoiyase yande Yar oyemboyere sese. Ahe ramoseve oyemomahenduha: “Co pɨpe tacura ñehe renondeve, ‘Ndaicuai vahe’ erera mbosapɨ oyupagüer rupi cheu” ihe agüer rese.

San Lucas 24:44

Ipare aipo ehi: —Co rese acoi añehe vichico cuese pe rese aico vɨtese che mano renondeve. Yavɨye ranera opacatu ñehesa che resendar Moisés porocuaita cuachiaprɨ pɨpe, iyavei Tũpa ñehe mombehusar yuvɨrecoi vahe rembicuachiagüer pɨpe, Salmo pɨpe avei —ehi.

San Juan 15:25

Co rumo ẽgüe ehi. Esepia, imboavɨyesa rane itera ñehesa sesendar icuachiaprɨ pɨpe aipo ehi vahe: ‘Mbahe apoẽhɨ pɨpe sui tẽi che amotarẽhɨ yuvɨreco’ ehi vahe.

Los Hechos 4:11

Co Jesús pe remieroɨ̃ro, ahe rumo yande vɨ̃racuasa. Pe evocoiyase inungar oɨ mopuhasar omomboño vahe ita avɨye catu vahe oɨ movɨracuasa rãgüer yepi.

Efesios 2:20

Pe inungar tũparo maranehɨ imopuhambrɨ ihɨvɨpɨrã harɨ pendar peico; apóstol iyavei Tũpa ñehe mombehusar evocoiyase inungar ihɨvɨpɨ yuvɨrecoi tũparo movɨracua ãgua. Jesucristo rumo inungar ita yɨpɨndar vahe imohɨvisa yandeu.

1 San Pedro 2:6

Esepia, icuachiaprɨ aracahendar pɨpe aipo ehi: “Che amondo ñepei ita nungar ava avɨye vahe tecua Sión ve imovɨracua ãgua. Ahe che rembiporavo iporañete vahe, imboeteiprɨ. Acoi oyeroyá vahe sese, ahe nochĩ chietera ichui” ehi.