San Lucas 2:10 - Tũpa Ñehengagüer

¹⁰ Ahe rumo aipo ehi chupe: “Pesɨquɨye eme. Esepia, che ayu mbahe icatuprɨ vahe mombehu ãgua pẽu pe mbovɨharete ãgua iyavei opacatu ava mbovɨharete ãgua avei no.

Tüpä Ñe'ëngagwer

¹⁰ A'e mbigwai ɨva pendar rumo aipo e'i chupe: “Pesɨkɨyei rene, esepia che ayu mba'e ikatuprɨ va'e mombe'u peü, pe mbovɨ'arete agwä opakatu ava mbovɨ'arete agwä aveino:

San Lucas 2:10 Iomraidhean Croise

San Mateo 14:27

Güemimbohe upe rumo aipo ehi: —¡Peyemovɨracuaño, che tẽi! ¡Pesɨquɨye eme che sui! —ehi.

San Mateo 28:18

Evocoiyase ahe oyemboya ore rese aipo ehi oreu: —Tũpa che mbou mborerecuar ɨvate catu vahe che reco ãgua ɨvave, ɨvɨve nara avei no —ehi—.

San Mateo 28:5

Tũpa rembiguai rumo aipo ehi voi eté cuña upe: —Pesɨquɨyei rene. Esepia, che aicua pe peseca Jesús yatɨcapɨrer.

San Marcos 1:15

aipo ehi: “Oyepota arɨ iyavei cõimi eté Tũpa mborerecuasa yandeu. Sese, pemboasɨ pe angaipa, peyevɨ Tũpa upe, iyavei peroya co ñehesa avɨye vahe Tũpa suindar” ehi.

San Marcos 16:15

Ipare aipo ehi güemimbohe upe: “Peso opacatu ɨvɨ rupi, pemombehu co ñehesa pɨ̃sɨrosa resendar peico.

San Lucas 1:13

Tũpa rembiguai rumo aipo ehiño chupe: —Zacarías —ehi—, eresɨquɨye eme. Tũpa osendu nde yeruresa. Sese nde rembireco Isabel imembɨra ndeu. Ahe nde rahɨr rer-ra Juan.

San Lucas 1:19

—Aní —ehi chupe—. Che aico Tũpa rembiguai Gabriel, Tũpa rovaindar. Ahe niha che mbou ndeu che ñehe ãgua iyavei co ñehesa avɨye vahe mombehu ãgua.

San Lucas 1:30

Evocoiyase Tũpa rembiguai aipo ehi chupe: —María, eresɨquɨye eme. Esepia niha, Tũpa ité nde poravo nde rovasa ãgua.

San Lucas 2:11

Co pɨpe oha David recua Belén ve Poropɨ̃sɨrosar pẽu nara. Ahe niha Tũpa Rembiporavo, pe Yarguã secoi.

San Lucas 24:47

Jerusalén sui tuprɨ opacatu ɨvɨ yacatu rupi imombehusara serer pɨpe, “Pemboasɨ pe angaipa, peyevɨ Tũpa upe pẽu ñeroi ãgua” hesara.

San Lucas 8:1

Ipare Jesús oguata opacatu tecua rupi, omombehu ñehesa avɨye vahe Tũpa mborerecuasa resendar oico. Doce vahe apóstol supive yuvɨrecoi.

Los Hechos 13:32

“Sese che mu eta, cũritei oromombehu pẽu evocoi ñehesa avɨye vahe Tũpa omondo vahe yande ramoi upe aracahe.

Romanos 10:15

Iyavei mara ehira co ñehesa mombehu yuvɨreco ndipoise imondosar chupe. Aipo ehi avei niha acoi icuachiaprɨ aracahendar pɨpe: “¡Avɨye ai eté acoi ava güeru vahe ñehesa avɨye vahe pɨ̃sɨrosa resendar!” ehi.

Efesios 3:8

Che recocuer niha ɨvɨ cotɨ catu opacatu ambuae Tũpa reroyasar sui viña, ahe rumo ombou oporovasasa co mboravɨquɨsa ñehesa avɨyé vahe Cristo recocuer resendar mombehu ãgua ava ndahei vahe judío upe nara cheu.

Colosenses 1:23

Ẽgüe peye ãgua rumo peyemovɨracuaño itera Cristo rese pe yeroyasa pɨpe yepi. Ndapeyepepɨi chiaveira mbahe oime vaherã rese pe yeroyasa sui pesendu vahe co ñehesa ñepɨsɨrosa resendar pɨpe. Ahe imombehusa opacatu ɨvɨ rupi. Che niha Pablo, icuaiprɨ, aico co ñehesa mombehu ãgua.