San Lucas 18:30 - Tũpa Ñehengagüer

³⁰ ahe setá iteanga catu oipɨsɨra mbahe avɨye catu vahe co ɨvɨ pɨpe oseya vahe sui. Ipare rumo tecua ambuaeve oipɨsɨ aveira tecovesa apɨrẽhɨ vahe curi —ehi.

Tüpä Ñe'ëngagwer

³⁰ oipɨsɨ katu itera seta mba'e gwekovesa pɨpe, oipɨsɨ aveira tekovesa apɨre'ɨ̇ ndopai va'e.

San Lucas 18:30 Iomraidhean Croise

San Mateo 12:32

Iyavei acoi ava oñehe-ñehe tẽi vahe che, Ava Rɨquehɨr rese, ahe chupe oimeño ñeroisa; acoi oñehe-ñehe tẽi vahe rumo Espíritu amotarẽhɨsave, ahe chupe ndipoi chira ñeroisa co ɨvɨ pɨpe iyavei ɨvave” ehi Jesús fariseo eta upe.

San Mateo 4:24

Oyepotase rumo serãcua opacatu Siria ɨvɨ rupindar upe, ahese güeru opacatu iparaɨsu vahe yuvɨreco chupe: imbaheasɨ vahe, caruguar vɨreco vahe, que nañaca põrai vahe iyavei ndoguatai vahe. Ahe opa tuprɨ ombogüera.

1 Timoteo 4:8

Esepia, yepe avɨyeño chĩhi yande retecuer yamovɨracua viña, yande Yar upe yande reco ãgua avɨye catu opacatu yande reco uve nara. Esepia, ahe yande pɨ̃tɨvɨira yande recove ãgua cũritei iyavei curi yande recove ãgua.

1 Timoteo 6:6

Yayembovɨhañose mbahe yande rembiereco rese, ahese Tũpa rese yande pɨhañemoñetasa inungar mbahe sepɨrusu vahe yandeu.

Apocalipsis 2:10

Ndapesɨquɨyei chira pe paraɨsu ãgua sui. Esepia, Caruguar osoquenda ucara amove pe pãhu pendar secoãha ãgua; pe paraɨsu rane itera niha diez arɨ rupi peico. Acoi peyemovɨracua tuprɨse ité chupe, Cristo rese ité amanora, pe hesave, ahese amondora porerecosa tecovesa pẽu.

Apocalipsis 2:17

¡Acoi ava osendu pota vahe, toyapɨsacaño Espíritu omombehu vahe rese che reroyasar yuvɨrecoi vahe upe! Acoi ava oyemovɨracua vahe mbahe-mbahe tẽi apoẽhɨ ãgua, semihura amondora ndasepiasai vahe maná. Iyavei amondora ita morochi vahe chupe. Ahe ita rese icuachiasara terer ipɨasu vahe oĩ, evocoi ava oipɨsɨ vahe güeraño oicuara, ehi’ erera icuachía.

Apocalipsis 3:21

Acoi ava oyemovɨracua vahe mbahe-mbahe tẽi apoẽhɨ ãgua yuvɨreco, ahe amboguapɨ ucara che ɨpɨve imoi che porocuaisave, inungar che mbahe tẽi reco reroyɨ pare, aguapɨ che Ru ɨpɨve vĩte.