San Lucas 16:19 - Tũpa Ñehengagüer

¹⁹ “Iyavei oime mbɨa mbahe yar, ahe oyemonde turucuar avɨye vahe pɨpe oyemboetei eteanga, iyavei arɨ yacatu oyapo pieta opacatu mbahe rese oyemboetei aisa pɨpe.

Tüpä Ñe'ëngagwer

¹⁹ “Oime aipo ñepëi mbɨa mba'e yar, oyemonde turukwar avɨye va'e pɨpe oyemboetei eteanga, iyavei arɨ yakatu oyapo pieta opakatu mba'e rese oyemboetei aisa pɨpe.

San Lucas 16:19 Iomraidhean Croise

San Marcos 15:17

Aheve omboyemonde turucuar pĩraumbɨ vahe pɨpe yuvɨreco, ipare yu pɨaprɨ omonde ñaca rese.

San Marcos 15:20

Mara-mara tẽi sereco pare, ovɨrocua iturucuar pĩraumbɨ vahe yuvɨreco ichui, ahese omonde iturucuar ité yuvɨreco sese. Ichui vɨnose ocarve yatɨca ãgua yuvɨreco.

San Lucas 15:13

Ipare coiye catumi, omonuhapa opacatu ombahe. Ichui oso amombrɨ ambuae tecuave. Aheve oguarepochi oiporupa tẽi ombahe pota raisa pɨpe.

San Lucas 16:1

Jesús aipo ehi avei güemimbohe eta upe: “Oime mbɨa imbahe eta vahe. Ahe vɨreco mbɨa ombahe eta rese ñangarecuar. Ahe chupe ava yugüeru mbahe mocañɨ tẽi agüer mombehu.

San Lucas 16:18

“Acoi opoi vahe güembireco sui, omendase ambuae cuña rese, ahe oyemboaguasa tẽi vahe. Iyavei acoi omendase cuña omenda vahecuer rese tẽi, oyemboaguasa tẽi vahe avei” ehi Jesús.

San Lucas 16:20

Oime avei mbɨa iparaɨsu ité vahe Lázaro serer vahe. Ahe mbɨa icaracha atɨ vahe imboguapɨsa ɨvɨve imoi mbahe yar roquendɨpɨve.

Apocalipsis 17:4

Co cuña turucuar, suendɨ vahe, pĩra vahe avei no, iyavei oyemoendɨ yai oro pɨpe oico, ita iporañete ai vahe pɨpe, opohɨr pɨpe avei no. Vɨreco ɨgua rɨru oro apoprɨ. Ipɨpe omboapɨpo mbahe yavaeté vahe sereco oyemboaguasa-guasa tẽisa;

Apocalipsis 18:16

iyavei aipo ehi tẽira yuvɨreco: “¡Too! ¡Iparaɨsú iteanga tecua guasu pendar! Inungar tie cuña acoi oyemonde tuprɨ vahecuer secoi cuese viña iyavei iturucuar suendɨ, pĩra vahe; oro pɨpe oyemboetei vahecuer, itami iporañete vahe pɨpe iyavei mbohɨr sendɨ vahe pɨpe oyemboetei vahe no.

Apocalipsis 18:7

pemondo setecuer mombaraɨsusa chupe, tiparaɨsu tahoyoya iyemondo-mondo tẽi agüer iyemboetei ai agüer rese avei no. Esepia niha, ahe aipo ehi opɨha pɨpe oico: ‘Cohave che aguapɨ vĩte mborerecuar che reco nungar pɨpe. Ndahei imer mano vahecuer che aico, iyavei ndacheparaɨsui chietera’ ehi viña.