San Lucas 13:30 - Tũpa Ñehengagüer

³⁰ Supi eté amove ava ndoyavɨi ipa tẽi vahe seique ãgua ɨvave Tũpa pɨri viña, ahe ranengatu rumo yuvɨroiqueño itera ipɨpe iyavei amove ava tenonde catu vahe ndoyavɨi ahe rane oique vaherã ɨvave viña. Ahe rumo ipa tẽi yuvɨroiquera —ehi Jesús ava rehɨi upe.

Tüpä Ñe'ëngagwer

³⁰ Evokoiyase oime kurïtëi ipa tëi yuvɨrekoi va'e tenonde katu yuvɨrekoira, oime avei kurïtëi tenonde katu yuvɨrekoi va'e, a'e rumo ipa tëi yuvɨrekoi va'erä.

San Lucas 13:30 Iomraidhean Croise

San Mateo 19:30

Seta vai rumo cũritei yɨpɨndar vahe, ipa tẽira yuvɨrecoi; setá aveira cũritei ipa tẽi vahe, yɨpɨndar yuvɨrecoira curi —ehi.

San Mateo 20:16

“Indó, ẽgüe ehi aveira ava seco ɨvɨ cotɨ catu vahe seco ɨvate catura yuvɨreco; iyavei yɨpɨndar ava seco ɨvate catu yuvɨrecoi vahe, ahe seco ɨvɨ cotɨ catu tẽi vaherã yuvɨreco curi” ehi güemimbohe upe.

San Marcos 10:31

Setá vai rumo cũritei yɨpɨndar vahe; ipa tẽira yuvɨrecoi. Setá aveira cũritei ipa tẽi vahe, yɨpɨndar yuvɨrecoira curi —ehi.