San Lucas 12:37 - Tũpa Ñehengagüer

³⁷ Avɨye itera serecuar upe osepiase iyemoingatu voi; evocoiyase serecuar ae niha ihañecora sese, omboguapɨra mesave imbocaru.

Tüpä Ñe'ëngagwer

³⁷ Saɨsuprɨ yuvɨrekoira mbigwai gwerekwar osärö tuprɨ va'e. Amombe'u tuprɨra aipo peü imboakwasar ae oyemboyerera imbogwapɨ karusa rendave omondo va'erä mimoi ito'u.

San Lucas 12:37 Iomraidhean Croise

San Mateo 24:42

“Sese pemahemoha yepi. Esepia, ndapeicuai mbahe arɨ pɨpe che, pe Yar, ayevɨra ɨva sui.

San Lucas 12:36

Peico imboacuaprɨ güerecuar osãro vahe nungar mendasa sui iyevɨse, oquenda imotase, omboi voi vahe yuvɨreco chupe.

San Lucas 12:43

Acoi omboavɨyese ocuaita, ahese ovɨharetera güerecuar yevɨse.

San Lucas 17:8

Aní eté, ahe rumo aipo ehiñora chupe: ‘Emoingatu voi mbahe che tohu, che toɨhurã avei. Ipare nde erecarura, ereɨhura’ ehira chupe.

San Lucas 21:36

Sese peyemoingatu, peyeroquɨ arɨ rupi co mbahe tẽi sui pe yepepɨ ãgua, pe yemboyecua tuprɨ ãgua che, Ava Rɨquehɨr, rovai” ehi güemimbohe eta upe.

San Lucas 22:27

¿Uma pĩha ɨvate catu vahe: co mesave oguapɨ vahe ocaru yuvɨreco? ¿Sese ihañeco vahe tie? Acoi mesave oguapɨ vahe niha. Che rumo co aico pe pãhuve inungar pe rese ihañeco vahe.

San Juan 12:26

Acoi ava che mboyeroya pota vahe, toguata che rupi yuvɨreco. Esepia, acoi che mboyeroyasar yuvɨrecoi vahe, ahe avei yuvɨrecoira che pɨri ɨvave. Che Ru Tũpa evocoiyase omboeteira ahe sereco —ehi chupe.

1 Corintios 2:9

Icuachiaprɨ aracahendar pɨpe aipo ehi: “Tũpa omoingatu mbahe ava guaɨsupar upe. Ahe rumo mbahe ndosepiai vahe ité ava yuvɨreco yepi, ndosendui vahe ité, iyavei ndoyembopɨhañemoñetaimi eté sese yuvɨreco no” ehi aracahe.

Filipenses 1:21

Esepia, Cristo che recovesa ité secoi; amanose rumo, avɨyeño itera cheu.

Filipenses 1:23

Ndaicatui co ñuvɨrío che pɨhañemoñetasa rereco: amove amano pota che so ãgua ɨvave Cristo pɨri. Ahe avɨye catura cheu viña.

2 San Pedro 1:11

Evocoi nungar pɨpe sui pe pɨsɨ tuprɨra omborerecuasa ndopai vahe pɨpe yande Yar, yande Pɨ̃sɨrosar Jesucristo.

2 San Pedro 3:14

Sese che rembiaɨsu, pesãro vɨteseve co tecocuer, ẽgüe peyera opacatu peicatugüer rupi pe reco tuprɨ ãgua pe angaipaẽhɨ pɨpe, pẽu Tũpa, “Peyavɨ mbahe” ehiẽhɨ ãgua.

Apocalipsis 14:13

Ahese asendu ñehesa ɨva pendar aipo ehi vahe cheu: “Eicuachía co: Co pɨpe suive sorɨvete catura acoi ava omano vahe yande Yar rese yuvɨreco” ehi. “Ẽgüe ehi eté —ehi Espíritu imombehu—, opɨtuhura oporavɨquɨsa sui yuvɨreco. Esepia, mbahe sembiapo rerãcua osora ɨvave supi” ehi.

Apocalipsis 16:15

“Peyapɨsaca tuprɨ che ñehe rese, che avɨyeteramo tẽi ayura imonda rai vahe nungar curi. Sorɨvetera acoi ava imahemoha vahe oyemonde tuprɨ vahe güembiapo avɨye vahe pɨpe. Ahese nochi chietera oico che sui” ehi.

Apocalipsis 3:21

Acoi ava oyemovɨracua vahe mbahe-mbahe tẽi apoẽhɨ ãgua yuvɨreco, ahe amboguapɨ ucara che ɨpɨve imoi che porocuaisave, inungar che mbahe tẽi reco reroyɨ pare, aguapɨ che Ru ɨpɨve vĩte.

Apocalipsis 7:17

Esepia, evocoi Ovesa secoi Vu renda rovai, ahe osãrora ava rehɨi sereco inungar ovesa rãrosar. Ipare opara vɨraso tecovesa resendar ɨ ndopai vahesave imboɨhu ãgua. Tũpa evocoiyase omombɨtuhupara imboyasehosa sui yuvɨreco” ehi.