San Lucas 11:29 - Tũpa Ñehengagüer

²⁹ Ava rehɨi oyere atɨ vɨtese Jesús rese yuvɨreco, ahe aipo ehi: “Pe cũriteindar ava ndaseco põrai vahe, peporandu tẽi poromondɨisa che recocuer cua ãgua rese. Che rumo namboyecuai chira ambuae poromondɨisa pẽu. Jonás recocuer rese güeraño opomomahenduhara.

Tüpä Ñe'ëngagwer

²⁹ Ava re'ɨi rumo oñemonu'ä atɨ katu ñoite Jesús rese yuvɨreko, a'e omboɨpɨ aipo oya: “Kurïtëindar ava ndasekoporäi va'e; oporandu tëi poromondɨisa rese yuvɨreko, che rumo namboyekwai chira ambuae poromondɨisa peü. Jonás rekokwer rese gweraño opomoma'endu'ara.

San Lucas 11:29 Iomraidhean Croise

San Mateo 3:7

Yugüeru atɨse rumo fariseo iyavei saduceo oñeapiramo uca ãgua, Juan aipo ehi ahe ava upe: “¡Pe mboi mboetasa tẽi peico! ¿Ava vo, ‘Pesẽra Tũpa ñemoɨrosa ou vaherã sui’ ehi tuprɨ tẽi pẽu?

San Marcos 8:38

Esepia, acoi ava yuvɨnochi ai vahe che sui iyavei che ñehengagüer sui ava angaipa viyar ndaseco tuprɨi vahe rovai, che avei, Ava Rɨquehɨr, ẽgüe ahera acoi ayevɨse che Ru reco pĩrata porañetesa pɨpe, sembiguai rehɨi ɨva pendar maranehɨ reseve curi —ehi.

San Lucas 11:16

Ambuae ava secoãhasa pɨpe oporandu yuvɨreco chupe: “Eyapo ru mbahe nde rembiapo ɨva pendar nde recocuer cua ãgua” ehi tẽi.

San Lucas 11:50

Esepia, ava ndiporeroyai vahe cũriteindar upe ité omondora oñemoɨrosa opacatu oñehe mombehusar yucagüer rese aracahe suive, cũriteindar avei oyucase yuvɨreco.

San Lucas 12:1

Ahe pɨpeve avei ava oñemonuha atɨ́ iteanga oyembotɨ tuprɨ oyemombo guasu-guasu yuvɨreco. Yɨpɨndar Jesús güemimbohe upe rane omboɨpɨ oñehe: “Peñearo tuprɨ fariseo pan mboapeposa nungar sui. Esepia, ahe ndoyavɨi supi tuprɨ vahe viña; ndahei eté rumo.

San Lucas 9:41

Ahe omboyevɨ: —¡Too, ndapeyeroya tuprɨ vɨtei eté che rese, co cotɨ tẽi vɨte pe pɨhañemoñetasa! ¿Mbovɨ rupi rutei vo aico vɨtera pe pãhuve che ñemosasa pɨpe? Eru nde rahɨr cohave cheu —ehi ahe mbɨa upe.

San Juan 2:18

Evocoiyase judío mborerecuar yuvɨrecoi vahe oporandu yuvɨreco chupe: —¿Mbahe vo ereyapora nde mborerecuasa moporẽhɨ ãgua oreu cũritei? —ehi yuvɨreco chupe.

San Juan 6:30

Evocoiyase, —¿Mbahe poromondɨisa vo eremboyecua irimira oreu orosepia vaherã nde reroya tuprɨ catu ãgua?

San Juan 8:44

Peyesupa niha Caruguar ité, sese niha pe ahe tuprɨ avei peico. Peyapo pota mbahe semimbotar tẽi. Esepia, Caruguar yɨpɨsuive ité oporoyuca serai vahe. Ndoyapoi vahe ité mbahe supi tuprɨ vahe, noñehei avei mbahe supi eté vahe rese. Semirasa iñehe ité. Esepia, semirañete ai vahe ité; ahe ité niha yɨpɨndar semira tẽi vahe.

1 Corintios 1:22

Che mu judío osepia pota tẽi mbahe poromondɨisa ipĩratá vahe ɨva pendar yuvɨreco. Griego evocoiyase osendu pota tẽi ñehesa aracuasa resendar yuvɨreco no.