San Lucas 11:21 - Tũpa Ñehengagüer

²¹ “Inungar oime ava ipĩrata eteprɨ vahe, iyavei vɨreco oyeroyasa. Ipɨpe osãro güẽta opacatu mbahe ipɨpendar avei icañɨẽhɨ ãgua.

Tüpä Ñe'ëngagwer

²¹ “Oime ñepëi ava ipirätä eteprɨ va'e vɨreko oyeroyasa iyavei ipɨpe osärö gwëtä, opakatu mba'e ipɨpendar avei ikañɨ e'ɨ̇ agwä.

San Lucas 11:21 Iomraidhean Croise

San Mateo 12:29

“Iyavei no, que ava oique potase ambuae ava ipĩrata eteprɨ vahe rẽtave imbahe rerocua ãgua ichui viña, yɨpɨndar opa rane itera oñapɨchi-pɨchi. Ipare voi opara vɨrocua imbahe ichui.

San Marcos 3:27

“Ndipoi eté niha ava oique vahe que ava ipĩrata eteprɨ vahe rẽta pɨpe imbahe rerocuapa ãgua ichui; oñapɨchi rane itera. Ipare voi opara imbahe vɨrocua ichui.

San Lucas 11:20

Che rumo Tũpa pĩratasa pɨpe caruguar amboyepepɨ ava sui. Sese cũritei Tũpa mborerecuasa oyepota ité pẽu.

San Lucas 11:22

Acoi ouse rumo ambuae ipĩrata catu vahe chupe, ahe osecoreroyɨse, opa vɨrocua iyeroyasa ichui. Evocoiyase güembierocua ahe opa vɨraso oyeupe.