San Juan 9:2 - Tũpa Ñehengagüer

² Ore semimbohe oroico vahe, oroporandu chupe: —Ore mbohesar, ¿mahera pĩha co mbɨa ndasesapɨsoi eté oha? ¿Oyesupa angaipa sui pĩha? ¿Oangaipa sui ae tie? —orohe chupe.

Tüpä Ñe'ëngagwer

² Semimbo'e eta oroporandu yuvɨreko chupe:–Porombo'esar, ¿ma'erä pi'ä ko mbɨa ndasesapɨsoi ete o'a? ¿Oyesupa angaipa sui pi'ä, anise oangaipa sui ae tie?

San Juan 9:2 Iomraidhean Croise

San Mateo 16:14

Semimbohe evocoiyase aipo ehi yuvɨreco chupe: —Amove ava: “Juan Oporoãpiramo vahe” ehi yuvɨreco ndeu; ambuae aipo ehi yuvɨreco: “Elías”; ambuae ava aipo ehi avei yuvɨreco: “Jeremías”; anise ambuae ava, “Tũpa ñehe mombehusar mboetasa” ehi yuvɨreco ndeu —ehi.

San Mateo 23:7

Oipota avei ava oyeupe ‘avɨrave’ apo ãgua omboeteisave ocar rupi iyavei oipota, ‘Porombohesar’ oyeupe he yuvɨreco.

San Mateo 23:8

“Pe rumo, ‘Porombohesar’ ndapembohe ucai chira ava peyeupe. Esepia, pe opacatu guasu peyeɨvrɨ peico, iyavei ñepeiño ité pereco pe Mbohesar.

San Lucas 13:2

Ipare Jesús aipo ehi chupe: “Pemoha co pe: Mbahe tẽi oime vahe evocoi mbɨa Galilea pendar upe, yangaipa guasu catu rese ambuae güecua pendar sui ẽgüe ehi mbahe chupe viña.

San Juan 4:31

Ava yepotaẽhɨ vɨteseve, semimbohe eta, —Ore mbohesar, ecarumi —ehi tẽi yuvɨreco chupe.

San Juan 9:1

Jesús oguatase ocar rupi, osepia mbɨa ohasa suive ndasesapɨsoi vahe.

San Juan 9:34

Evocoiyase fariseo eta aipo ehi yuvɨreco chupe: —¿Nde co oangaipa reseve oha vahe tẽi, ore mbohe pota mbahe rese eve? —ehi. Ipare omose ñepei reseve oñemonuhasa sui yuvɨreco.

Los Hechos 28:4

Osepiase mboi ichuhuse ahe pendar yuvɨreco, ahese, “Co mbɨa revo oporapichi vahe ité. Yepe oñepɨsɨro para guasu sui viña, Tũpa rumo oichuhu uca mboi upe ‘tomano’ oya” ehi yuvɨreco viña.