San Juan 9:16 - Tũpa Ñehengagüer

¹⁶ Evocoiyase ambuae aipo ehi yuvɨreco chupe: —Aipo mbɨa ndahei eté revo Tũpa suindar. Esepia niha, nomboetei eté mbɨtuhusa arɨ —ehi yuvɨreco. Ambuae evocoiyase aipo ehi yuvɨreco: —¿Mara ehira aipo poromondɨisa apo ava yangaipa vahe viña? —ehiño yuvɨreco. Oyeavɨratɨ tẽi ipɨhañemoñetasa.

Tüpä Ñe'ëngagwer

¹⁶ Oime fariseo pa'ü pendar aipo e'i yuvɨreko:–Akoi oyapo va'e ko nungar mba'e nda'ei ete Tüpä suindar, esepia ni'ä nomboetei ete mbɨtu'usa arɨ.Ambuae rumo aipo e'i yuvɨreko:–¿Marä e'ira pi'ä poromondɨisa apo viña, angaipa viyar tëi gwekose?Esepia oyeavɨratɨ tëi ipɨ'añemoñetasa yuvɨreko,

San Juan 9:16 Iomraidhean Croise

San Mateo 12:10

Aheve oime mbɨa ipo co cotɨgüer nomɨi vahe. Aheve avei fariseo, “Yaiñehengapo angahu Jesús” ehi yuvɨreco viña. Sese, —¿Iyaño pĩha mbɨtuhusa arɨ pɨpe ava imbogüerasa yepi’ —ehi yuvɨreco chupe.

San Mateo 12:2

Fariseo yuvɨrecoi vahe osepiase, aipo ehi Jesús upe: —Esepia nde remimbohe. Oporavɨquɨño mbɨtuhusa arɨ pɨpe yuvɨreco —ehi yuvɨreco chupe.

San Lucas 13:14

Judío tũparo rerecuar rumo oñemoɨro ahe cuña mbogüerasa rese mbɨtuhusa arɨ pɨpe. Sese aipo ehi ava eta upe: —Oime niha seis arɨ mboravɨquɨ ãgua; ahe arɨ pɨpe peyura peposano ãgua, ndahei chira mbɨtuhusa arɨ pɨpe —ehi.

San Juan 10:19

Osenduse judío eta aipo nungar ñehesa, opa ipɨhañemoñeta yoavɨratɨ yuvɨreco.

San Juan 14:11

Che reroya peye che Ru rese che recose, ahe avei secoise che rese. Anise, che reroyañomi tẽi catu peye mbahe che rembiapo rese —ehi—.

San Juan 2:11

Co yɨpɨndar vahe poromondɨisa Jesús oyapo vahe aheve. Ipɨpe omboyecua güeco pĩratasa. Sese semimbohe vɨroya ité yuvɨreco.

San Juan 3:2

Ahe oso Jesús pɨri pɨ̃tu pɨpe, aipo ehi chupe: —Porombohesar, oroicua ité Tũpa nde mbouse ore mbohe ãgua —ehi—. Esepia, ndipoi eté que ava oicatu vahe evocoi nungar poromondɨisa apo Tũpa oyese secoẽhɨse —ehi.

San Juan 5:10

Evocoiyase judío aipo ehi ocuera vahecuer upe yuvɨreco: —Co pɨpe rumo mbɨtuhusa arɨ, nande cuaitai nde rupa rese ndevosɨi ãgua —ehi yuvɨreco chupe.

San Juan 5:36

Che rumo areco che yecua ucasar avɨye catu vahe Juan sui. Ahe niha co mbahe ayapo vahe yepi. Ahe sese che Ru che cuai yapo ãgua. Co mbahe ayapo vahe, ahe ité omboyecua che Ru Tũpa che mbousar.

San Juan 6:52

Aipo hese, judío rerecuar oyeecopɨ-copɨ yuvɨreco aipo ehi: —¿Mara ehira vo aipo co imbou tẽi güete yande tohu viña? —ehi yuvɨreco.

San Juan 7:12

Ava rehɨi pãhuve setá iteanga oñehe yuvɨreco sese. Amove aipo ehi yuvɨreco: “Ahe mbɨa avɨye vahe”; ambuae rumo aipo ehi: “Ndahei avɨye vahe; ahe rumo ombopa tẽi vahe ava” ehi yuvɨreco.

San Juan 7:23

Oyepotase rumo chĩhivahe mbocircuncida ãgua mbɨtuhusa arɨ pɨpe tuprɨ pẽu, peyapoño rane ité mborocuaita mboavɨye ãgua. ¿Mahera ru cheuño pemboasɨ ñepei mbɨa mbɨtuhusa arɨ pɨpe ambogüera tuprɨ vahe rese?

San Juan 7:43

Evocoiyase ava oyemboyaho-yaho yuvɨreco Jesús recocuer sui tẽi.

San Juan 9:24

Evocoiyase fariseo güeru uca iri acoi mbɨa imbogüeraprɨ yuvɨreco, aipo ehi yuvɨreco chupe: —Emombehuño oreu Tũpa rovaque mbahe supi tuprɨ vahe. Esepia, ore oroicua ité evocoi mbɨa angaipa viyar seco rese —ehi.

Los Hechos 14:4

Ahe tecua pendar rumo ipɨhañemoñeta yoɨvɨ yuvɨreco: ñepei judío pɨhañemoñetasa rupindar; ambuae evocoiyase apóstol pɨhañemoñetasa rupindar yuvɨreco.