San Juan 9:10 - Tũpa Ñehengagüer

¹⁰ Evocoiyase oporandu yuvɨreco chupe: —¿Mara ere vo co esareco? —ehi.

Tüpä Ñe'ëngagwer

¹⁰ Evokoiyase oporandu yuvɨreko chupe:–¿Marä ere vo ko kurïtëi esareko?

San Juan 9:10 Iomraidhean Croise

San Marcos 4:27

Omahetɨ pare, oso oque. Ipare coiye catu oñarapuha. Ahe oñocua pɨ̃tu, arɨ avei, evocoiyase mbahe rãhɨi sorɨ poyava yuvɨreco. Itɨ̃sar rumo ndoicuai mara ehi vorɨ.

San Juan 3:9

—¿Mara ehi pĩha aipo evocoiyase? —ehi Jesús upe.

San Juan 6:1

Ipare Pascua pieta ɨ̃pɨimi aipo Jesús osasa ɨpa Galilea serer vahe oso, ahe serer avei Tiberias. Ava rehɨi avei yuvɨraso saquɨcuei. Esepia, osepia ité yuvɨreco oyapose mbahe poromondɨisa guasu imbaheasɨ vahe mbogüerase. Oyepotase ɨvɨ rese yuvɨraso, evocoiyase oyeupi ɨvɨtrɨ rese. Aheve oguapɨ opacatu güemimbohe eta reseve yuvɨnoi.

San Juan 9:11

—Acoi mbɨa, Jesús serer vahe, ahe omoaquɨmi güendɨ pɨpe ɨvɨ, oipichi che resa rese aipo ehi cheu: ‘Eso ɨgua Siloé ve, eyovai’ ehi. Evocoiyase aso, ayovaise, ahese amahe tuprɨ ité —ehi.

San Juan 9:15

Fariseo oporandu iri yuvɨreco co mbɨa upe: “¿Mara ere ité vo co esareco?” ehi. Ahe mbɨa aipo ehi: —Omondo ɨvɨ güendɨ pɨpe omoaquɨ vahe che resa rese. Ichui ayovai. Ipare voi asareco —ehi.

San Juan 9:21

¿Mara ehi vo catu co cũritei osareco? iyavei ¿ava vo catu ombogüera? ¡Ndoroicuai eté! Peporandu chupe. Ocuacua niha; ahe ae oicua ucara pẽu —ehiño iyesupa yuvɨreco fariseo upe.

San Juan 9:26

Evocoiyase oporandu iri yuvɨreco chupe: —¿Mbahe vo oyapo ndeu? ¿Mara ehi vo nde mbosareco? —ehi yuvɨreco chupe.

San Juan 9:9

Amove ambuae ava aipo ehi: —Taa, ahe ité —ehi. Ambuae rumo aipo ehi yuvɨreco: —Ndahei ahe. Avɨye tuprɨ ité rumo ahe —ehi. Ahe mbɨa rumo aipo ehi: —Taa, che ité niha ahe aico —ehi.

1 Corintios 15:35

Avɨyeteramo pe pãhu pendar oimera oporandu vahe: “¿Mara ehira pĩha omano vahe ocuerayevɨ irise yuvɨreco coiye? ¿Mara ehi angahura pĩha setecuer ahese yuvɨreco?” ehira yuvɨreco oyeupe.