San Juan 8:39 - Tũpa Ñehengagüer

³⁹ —¡Ore yesupa rumo Abraham! —ehi judío eta yuvɨreco chupe. —Abraham suindar ité peicose, peyapora mbahe sembiapo nungar viña.

Tüpä Ñe'ëngagwer

³⁹ A'e aipo e'i yuvɨreko chupe:–¡Ore yesupa rumo Abraham!Ipare Jesús omboyevɨ chupe:–Abraham ra'ɨrɨ ite peikose viña, peyapora mba'e sembiapo nungar viña.

San Juan 8:39 Iomraidhean Croise

San Mateo 3:9

Iyavei ndapeyeroyai chira ‘ore Abraham suindar oroico’ pe hesa rese tẽi pe ñepɨsɨro ãgua. Esepia, Tũpa oicatuño ité co ita sui Abraham suindar nungar tuprɨ apo ãgua oyeupe nara yepi.

San Mateo 5:45

Evocoi nungar apo pɨpe pe Ru Tũpa ɨva pendar rahɨr ité peicora. Ahe niha osesape uca arɨ ava naporai vahe upe, ava avɨye vahe upe avei. Ombou avei amar seco catuprɨ vahe upe, ava ndaseco põrai vahe upe avei.

San Juan 8:33

Judío evocoiyase aipo ehi: —Ore rumo Abraham suindar ité oroico, ndoroicoi vahe ité que ava rembiguai tẽi. ¿Mahera ru aipo nde, “Pesẽra mbiguai nungar pe recosa sui” ere oreu? —ehiño judío eta yuvɨreco chupe.

San Juan 8:37

Aicua niha Abraham suindar pe recosa. Pe rumo che yuca potaño peye. Esepia, ndaperoyai eté che ñehe.

San Juan 8:43

¿Mahera pĩha ndapesenducua catui eté mbahe che remimombehu? Esepia, ndapeyapɨsaca potai eté che ñehe rese.

San Juan 8:56

Esepia, pe ramoi Abraham oyembovɨha ‘asepiara iharɨ oyepotase’ oya cheu. Osepia ité niha. Sese ovɨharete ité —ehi judío eta upe.

Romanos 4:12

Supi eté yande ramoi Abraham opacatu ava oyembocircuncida vahe, Tũpa rese oyeroya vahe yesupa avei secoi. Abraham rumo oyeroya vahe Tũpa rese ndoyembocircuncida vɨteiseve.

Romanos 4:16

Sese mbahe Tũpa remimombehugüer porerecosa yaipɨsɨra sese yande yeroyasa pɨpe, ahe semimombehugüer supi tuprɨ vahe opacatu yande Abraham suindar upe nara. Esepia, ndahei mborocuaita mboyeroyasar upe güeraño, ahe rumo opacatu yande Abraham nungar Tũpa rese oyeroya vahe upe nara. Evocoiyase ahe opacatu yande ramoi secoi.

Romanos 9:7

Iyavei ndahei opacatu Abraham suindar tahɨr supi tuprɨ vahe yuvɨreco. Esepia, Tũpa aipo ehi: “Nde rahɨr Isaac sui rumo oimera nde suindar sovasaprɨ” ehi chupe.

Gálatas 3:29

Jesucristo rese peicose, pe evocoiyase Abraham suindar nungar tuprɨ ité peico. Evocoiyase pe avei peipɨsɨra Tũpa remimombehu porerecosa yandeundar.

Gálatas 3:7

Sese iya ité peicuara opacatu acoi oyeroya vahe Tũpa rese yuvɨreco, ahe Abraham suindar supi tuprɨ vahe.