San Juan 7:41 - Tũpa Ñehengagüer

⁴¹ Ambuae aipo ehi: —Co Poropɨ̃sɨrosar ité —ehi yuvɨreco. Ambuae rumo aipo ehi yuvɨreco: —¿Mahera aipo Galilea sui tẽi oura Poropɨ̃sɨrosar viña? —ehi—.

Tüpä Ñe'ëngagwer

⁴¹ Ambuae aipo e'i yuvɨreko:–Ko Poropɨsɨrösar ite.Ambuae rumo aipo e'i avei yuvɨreko:–Ani, esepia Poropɨsɨrösar nosëi chietera Galilea sui.

San Juan 7:41 Iomraidhean Croise

San Juan 1:41

Ahe rane aipo oseca vɨquehɨr Simón aipo ehi chupe: —Orosepia ité Poropɨ̃sɨrosar —ehi (‘Cristo’ oyapave).

San Juan 1:46

Natanael rumo aipo ehi: —¿Oime pĩha yuvɨnose vahe ava avɨye vahe Nazaret pendar? —ehi. —Yaso, teresepia ru —ehi Natanael upe.

San Juan 1:49

—Porombohesar, ¡nde niha Tũpa Rahɨr ereico, Israel ɨguar rerecuar guasu! —ehi Natanael chupe.

San Juan 4:25

Cuña evocoiyase aipo ehi chupe: —Che aicua Poropɨ̃sɨrosar yu ãgua (ahe ‘Cristo’). Acoi ahe ouse, omombehu tuprɨra opacatu mbahe yandeu —ehi cuña chupe.

San Juan 4:29

—Perio, tapesepia pe ava omombehupa tuprɨ vahe che recocuer cheu. ¿Ndahei pĩha ahe Poropɨ̃sɨrosar? —ehi omu eta upe.

San Juan 4:42

Evocoiyase ava eta aipo ehi cuña upe yuvɨreco: —Cũritei orovɨroya ité cute, ndahei nde ñehe suiño orovɨroya. Esepia, ore ité orosendu iñehe cute, oroicua avei ahe supi eté opacatu ava pɨ̃sɨrosar ou vahe —ehi ava eta cuña upe yuvɨreco.

San Juan 6:69

Ore nde reroyasar ité oroico iyavei oroicua nde ndaseco marai vahe, Tũpa supi eté vahe remimbou ereico —ehi Pedro chupe.

San Juan 7:27

Yande rumo yaicua que sui turi. Acoi ouse rumo Poropɨ̃sɨrosar ité coiye, ndipoi chietera que ava oicua vahe iyusa —ehi yuvɨreco.

San Juan 7:31

Setá iteanga rumo ava vɨroya iyavei aipo ehi yuvɨreco: —Ouse Poropɨ̃sɨrosar, ¿oyapo catura pĩha mbahe poromondɨisa co mbɨa sui? —ehi yuvɨreco.

San Juan 7:52

Evocoiyase omboyevɨ yuvɨreco: —¿Nde avei tie ereico Galilea pendar? Eyembohe tuprɨ icuachiaprɨ pɨpe. Ipɨpe eresepiara ndipoi eté que ñepei ou vahe Galilea sui Tũpa ñehe mombehusar —ehi mborerecuareta Nicodemo upe yuvɨreco.