San Juan 7:23 - Tũpa Ñehengagüer

²³ Oyepotase rumo chĩhivahe mbocircuncida ãgua mbɨtuhusa arɨ pɨpe tuprɨ pẽu, peyapoño rane ité mborocuaita mboavɨye ãgua. ¿Mahera ru cheuño pemboasɨ ñepei mbɨa mbɨtuhusa arɨ pɨpe ambogüera tuprɨ vahe rese?

Tüpä Ñe'ëngagwer

²³ Supiete kurïtëi, Moisés porokwaita mboavɨye agwä pemocircuncida chi'ïvä'e mbɨtu'usa arɨ pɨpe yepi, ¿ma'erä vo evokoiyase peñemoɨrö cheu ambogwerase ñepëi mbɨa mbɨtu'usa arɨ pɨpe?

San Juan 7:23 Iomraidhean Croise

San Mateo 12:10

Aheve oime mbɨa ipo co cotɨgüer nomɨi vahe. Aheve avei fariseo, “Yaiñehengapo angahu Jesús” ehi yuvɨreco viña. Sese, —¿Iyaño pĩha mbɨtuhusa arɨ pɨpe ava imbogüerasa yepi’ —ehi yuvɨreco chupe.

San Mateo 12:2

Fariseo yuvɨrecoi vahe osepiase, aipo ehi Jesús upe: —Esepia nde remimbohe. Oporavɨquɨño mbɨtuhusa arɨ pɨpe yuvɨreco —ehi yuvɨreco chupe.

San Mateo 12:5

¿Ndapeyeroquɨi vo Moisés porocuaita resendar pɨpe? Esepia, judío pahi tũparo rese hañecosar ndopɨtuhui eté tũparo pɨpe yuvɨreco mbɨtuhusa arɨ pɨpe yepi. Ndahei rumo oyemboangaipa ipɨpe yuvɨreco.

San Juan 5:10

Evocoiyase judío aipo ehi ocuera vahecuer upe yuvɨreco: —Co pɨpe rumo mbɨtuhusa arɨ, nande cuaitai nde rupa rese ndevosɨi ãgua —ehi yuvɨreco chupe.

San Juan 7:21

Aipo ehi ava upe: —Cuese acoi ayapose mbahe mbɨtuhusa arɨ pɨpe, ahese, “¡Too, mahera ẽgüe ehi!” peyeño acoi cheu.

San Juan 9:16

Evocoiyase ambuae aipo ehi yuvɨreco chupe: —Aipo mbɨa ndahei eté revo Tũpa suindar. Esepia niha, nomboetei eté mbɨtuhusa arɨ —ehi yuvɨreco. Ambuae evocoiyase aipo ehi yuvɨreco: —¿Mara ehira aipo poromondɨisa apo ava yangaipa vahe viña? —ehiño yuvɨreco. Oyeavɨratɨ tẽi ipɨhañemoñetasa.