San Juan 7:15 - Tũpa Ñehengagüer

¹⁵ Judío eta rerecuar evocoiyase, —¡Too, mara ehi rutei! —ehi tẽi—. ¿Mara ehi vo co mbahecuá iteanga? ¡Ndoyembohei vahe niha yande yeroquɨsave! —ehi tẽi yuvɨreco.

Tüpä Ñe'ëngagwer

¹⁵ Judío eta ovɨ'are'ɨ̇sa pɨpe aipo e'i tëi yuvɨreko:–¿Marä e'i rutei vo omba'ekwa rutikatu, ndoyembo'ei va'e ni'ä?

San Juan 7:15 Iomraidhean Croise

San Mateo 13:54

oyepota güecuave oso. Aheve ombohe ava judío tũparo pɨpe oico. Evocoiyase ahe pendar ava oyepɨhamondɨi tẽi: —¿Que pĩha co ava oyembohe catu ombahecua ãgua? iyavei, ¿mara ehi pĩha co mbahe poromondɨisa apo? —ehi yuvɨreco—.

San Mateo 22:22

Osenduse, oyepɨhamondɨi tẽi yuvɨreco. Evocoiyase yuvɨnose yuvɨraso ichui.

San Mateo 22:33

“¡Too!” ehi ava rehɨi. “¡Mara ehi rutei iporombohesa!” ehi tẽi yuvɨreco.

San Lucas 2:47

Evocoiyase opacatu ava ndoyembovɨhai tẽi imbahecua vaisa rese yuvɨreco. Esepia, oporanduse mbahe rese yuvɨreco chupe, omboyevɨ tuprɨ voi-voiño ité ñehesa.

San Lucas 4:22

Opacatu ava oñehe tuprɨño ité yuvɨreco sese. Ndoyembovɨhai tẽi iñehe tuprɨ renduse yuvɨreco. Oporandu-randu rumo yuvɨreco oyeupe: —¿Ndahei vo acoi co José rahɨr tẽi? —ehi yuvɨreco chupe.

San Juan 1:19

Judío rerecuar guasu tecua Jerusalén pendar oyocuai pahi eta iyavei ipɨ̃tɨvɨisareta imondo Juan uve ‘¿Ava vo nde? tehi yuvɨreco chupe’ oyapave icua ãgua.

San Juan 7:11

Judío eta oseca tẽi yuvɨreco pietasave aipo ehi: —¿Que pĩha acoi mbɨa? —ehi tẽi yuvɨreco.

San Juan 7:13

Nomboyecuai eté rumo oñehe yuvɨreco sese güerecuar sui osɨquɨyepave.

San Juan 7:46

Sundao tũparo rãrosar evocoiyase aipo ehi: —¡Ndipoi eté que ava oñehe vahe ahe mbɨa nungar! —ehiño yuvɨreco.

Los Hechos 26:24

Aipo ehise Pablo oñehe oyoepɨsave, Festo oñehengataño chupe aipo ehi: —¡Nande mboaracuai moco nde mbahecua vaisa! —ehiño chupe.

Los Hechos 4:13

Mborerecuar osepiase iyembosɨquɨyeẽhɨsa yuvɨreco, “¿Mara ehi pĩha co mbɨa? ¡Ava tẽi, ndoyembohei vahe niha!” ehi tẽi yuvɨreco chupe. Ichui oicua Jesús remimbohegüer secose yuvɨreco.