San Juan 7:14 - Tũpa Ñehengagüer

¹⁴ Pieta mbɨterse, Jesús avɨyeteramo tẽi oique ava pãhuve tũparo pɨpe ava mbohe.

Tüpä Ñe'ëngagwer

¹⁴ Pieta mbɨterse rumo, Jesús oike oso tüpäro pɨpe omboɨpɨ oporombo'e.

San Juan 7:14 Iomraidhean Croise

San Mateo 21:12

Ipare Jesús oique judío tũparo guasu pɨpe. Ipɨpendar opa omombo ichui ava mbahe mondosar, mbahe rerocuasar. Iyavei ava guarepochi recuñarosar mesa opa ombovɨapi ichui; apɨcasu mondosar renda avei ombovɨapi imondo.

San Mateo 26:55

Ahese aipo ehi ava rehɨi upe: —Pe quɨse pucu, ɨvɨra reseve-seve rutei co peyu che ropeña che pɨsɨ ãgua imonda rai vahe nungar che rereco peye. Che arɨ yacatu rupi aguapɨse pe pãhuve pe mbohe ãgua tũparo pɨpe, ndapeyapoi eté co nungar cheu.

San Lucas 19:47

Ichui ahe tũparo guasu pɨpe arɨ yacatu oporombohe oico. Aheve avei rumo pahi eta rerecuar yuvɨrecoi vahe, Moisés porocuaita rese oporombohe vahe iyavei tecua rerecuar guasu yuvɨrecoi vahe, ‘¿Mara yahera pĩha yuca uca ãgua viña?’ ehi yuvɨreco chupe.

San Juan 18:20

Jesús rumo aipo ehi chupe: —Che niha añehe opacatu rupi, opacatu ava eta rovaque avei. Esepia, aporomboheño ité niha ava ñemonuhasa rupi, tũparo guasu pɨpe avei. Indó, che nañemi eté añehe vaherã.

San Juan 5:14

Coiye rumo Jesús osepia iri tũparove ahe mbɨa, aipo ehi chupe: —Ereicua co nde cuerasa cũritei, aní ereyemboangaipa iri mbahe tẽi catu reime iri ãgua ndeu —ehi chupe.

San Juan 7:2

Vɨrovɨse judío pieta guasu teyupa apo ãgua yuvɨreco, ahese tɨvrɨ aipo ehi yuvɨreco chupe: —Erepɨta eme cohave. Eso ɨvɨ Judea ve; ahe pendar nde rupi oguata vahe avei tosepia poromondɨisa nde rembiapo yuvɨreco.

San Juan 7:28

Evocoiyase aipo renduse oporombohe vɨteseve tũparove, oñehe pĩrata aipo ehi: —¡Pe niha aipo, “Oroicua vahe” peye; “Oroicua avei iyusa” peye cheu! Ndayui rumo che remimbotar sui tẽi. Oime rumo che mbousar, ahe seroyaprɨ ité. Ahe pe ndapeicuai vahe.

San Juan 7:37

Pieta ipa, ahe imboeteisa catu vahe, ahe arɨ pɨpe Jesús oñehe pĩrata ohã aipo ehi: —Acoi que ava ihusei vahe, toyugüeru cheu. Che evocoiyase tamboɨhu —ehi—.

San Juan 8:2

Ahere ayihive cõhese, oyevɨ tũparove. Ahese opacatu ava oyemboya yuvɨreco sese. Ahe evocoiyase oguapɨ oĩ oporombohe.

San Juan 8:20

Jesús aipo ehi tũparo pɨpe, guarepochi monuhaprɨ rɨru ɨpɨve oporombohe ohã. Ndipoi eté rumo ahese osoquenda vaherã. Esepia, ndoyepota vɨtei eté ahese iharɨ chupe.