San Juan 6:70 - Tũpa Ñehengagüer

⁷⁰ —Che niha opoporavo doce peico vahe, ñepei rumo pe pãhu pendar caruguar ité —ehi Simón upe.

Tüpä Ñe'ëngagwer

⁷⁰ Jesús rumo omboyevɨ chupe:–¿Nda'ei vo che opoporavo opayandepo yovaive ñuvɨrïo tuprɨ peiko va'e? Oime rumo ñepëi pe pa'ü pendar a'e karugwar ite sekoi.

San Juan 6:70 Iomraidhean Croise

San Juan 13:18

“Che nañehei opacatu pe rese, che rumo aicua uma yuvɨrecoi vahe che rembiporavo. Icuachiaprɨ rumo yavɨyera: ‘Acoi ocaru vahe che pɨri, oyemboyere che amotarẽhɨ’ ehi vahe.

San Juan 13:2

Caruguar oique ité Simón rahɨr, Judas Iscariote, pɨha pɨpe imondo ãgua yamotarẽhɨmbar uve. Jesús rumo oicua ité Vu Tũpa sui ousa, oicua avei oyevɨ iri ãgua Vu Tũpa pɨri iyavei Tu omondo opacatu omborerecuasa chupe. Sese ocaruse güemimbohe eta reseve, mesa sui opũha, osequɨi oturucuar yohasa. Ipare omonde ambuae turucuar vumbɨcuasa rese.

San Juan 13:21

Aipo ohe pare, Jesús ndoyembovɨhai eté iyavei mbahe oime vaherã omboyecua tuprɨ ité, —Supi eté aipo ahe pẽu: ñepei pe pãhu pendar che mondora che amotarẽhɨmbar upe —ehi.

San Juan 13:27

Judas oipɨsɨse pan, oguapɨ voi eté Caruguar sese. Evocoiyase aipo ehi Judas upe: —Evocoi ereyapo pota vahe, eyapo voiño ité ru —ehi chupe.

San Juan 15:16

Pe niha ndache poravoi peye. Che rumo opoporavo iyavei opocuai peporavɨquɨ vaherã ava reru ãgua cheu ‘che rese ité toyuvɨrecoi’ che yapave. Evocoiyase che Ru omboura mbahe pe porandusa che rer pɨpe pẽu.

San Juan 15:19

Pe peico vɨtese ava Tũpa ndoicuai vahe pãhuve, evocoiyase pe raɨsu aira yuvɨreco viña. Che rumo opoporavo ipãhu sui yuvɨreco. Sese tẽi ndape ambota iri yuvɨreco. Esepia, pe ndahe iri ipãhu pendar peico.

San Juan 17:12

Aicose co ɨvɨ pɨpe, asãro tuprɨ nde rer pĩratasa cheu erembou vahe pɨpe; chemahemoha yuvɨreco sese mbahe tẽi sui. Ndipoi eté que ñepei ocañɨ tẽi vahe; acoi yɨpɨve ocañɨ vaheño ité rumo ocañɨ tẽi; nde ñehe rupi tuprɨ ité ẽgüe ehi.

San Juan 2:2

iyavei Jesús ore semimbohe oroico vahe reseve ore soho avei yuvɨreco aheve.

San Juan 20:24

Ñepei ore mboetasa rumo Tomás icõi vahe, ndipoi eté ore pãhuve Jesús oyemboyecuase oreu.

San Juan 6:64

Oime vɨte rumo amove pe pãhuve ndache reroyai vahe —ehi ava rehɨi upe. Esepia, Jesús oicua ité yɨpɨsuive uma ndovɨroyai chira, oicua avei uma ava omondora yamotarẽhɨmbar upe

San Juan 6:67

Evocoiyase oporandu doce tuprɨ vahe güemimbohe upe: —¿Pe avei vo che reyapa pota peye? —ehi.

San Juan 6:71

Jesús oñehe Simón Iscariote rahɨr, Judas, rese. Yepe doce semimbohe pãhu pendar viña, ahe rumo omondora ava yamotarẽhɨmbar upe.

San Juan 8:44

Peyesupa niha Caruguar ité, sese niha pe ahe tuprɨ avei peico. Peyapo pota mbahe semimbotar tẽi. Esepia, Caruguar yɨpɨsuive ité oporoyuca serai vahe. Ndoyapoi vahe ité mbahe supi tuprɨ vahe, noñehei avei mbahe supi eté vahe rese. Semirasa iñehe ité. Esepia, semirañete ai vahe ité; ahe ité niha yɨpɨndar semira tẽi vahe.

Los Hechos 1:17

Ahe acoi secoi yande pãhuve co mboravɨquɨsa rese yande pɨ̃tɨvɨi ãgua avei viña.

Los Hechos 13:10

Ipare aipo ehi chupe: —¡Nde iporombopa serai vahe ereico! ¡Ndipɨhai vahe, Caruguar rahɨr tẽi ereico! Opacatu mbahe avɨye vahe amotarẽhɨsar tẽi avei ereico no. ¡Mahera nderepoi potai yande Yar porombohesa supi eté vahe reroɨ̃rosa sui.

1 Timoteo 3:11

Iyavei sembireco yuvɨrecoi aveira oporomboeteisa pɨpe, nimahechiroi chira, osãro tuprɨra güecocuer yuvɨreco, iyavei imboyeroyaprɨ aveira opacatu mbahe rese yuvɨreco.

Tito 2:3

Ẽgüe tehi avei cuña otɨ̃aro vahe Tũpa reroyasar yuvɨreco: güeco tuprɨ tovɨreco oporomboeteisa pɨpe yuvɨreco. Iyavei timahechiroi eme, ndosavaɨpoi chiaveira. Ahe rumo omboyecuara güecocuer avɨye vahe,

1 San Juan 3:8

Acoi oyapo vahe angaipa, ahe Caruguar suindar. Esepia, Caruguar yɨpɨsuive ité oyapo angaipa. Sese ou Tũpa Rahɨr Caruguar rembiapo mocañɨpa ãgua.