San Juan 6:5 - Tũpa Ñehengagüer

^5-6 Omahese ava rehɨi oyeupindar rese, ahese aipo ehi Felipe upe: —¿Que vo yarocuara mbahe tembihu co opacatu ava upe nara? —ehi secoãhasave. Ahe rumo oicua ité mbahe güembiaporã.

Tüpä Ñe'ëngagwer

⁵ Jesús oma'ese ava re'ɨi oyeupindar rese, a'ese aipo e'i Felipe upe:–¿Ke sui vo yarokwara mba'e tembi'u ko opakatu ava upe narä?

San Juan 6:5 Iomraidhean Croise

San Mateo 15:33

Evocoiyase semimbohe aipo ehi yuvɨreco chupe: —¿Que sui pĩha orosecara tembihu ava rehɨi upe nara cohave ava porẽhɨsave viña? —ehi yuvɨreco.

San Marcos 6:32

Evocoiyase ahe güeraño apóstol reseve yuvɨraso carite pɨpe co cotɨ ava sui.

San Lucas 9:10

Apóstol oyevɨpase Jesús upe, ahese opa tuprɨ mbahe güembiapogüer omombehu yuvɨreco. Ahese opa vɨroyepepɨ ava rehɨi sui, vɨraso ɨvɨ iporupɨrẽhɨsave tecua Betsaida cotɨve.

San Juan 1:43

Ahere ayihive voi Jesús ipɨhañemoñeta oso ãgua ɨvɨ Galilea rupi. Aheve osepia Felipe, aipo ehi chupe: —Erio che rupi —ehi.

San Juan 1:44

“Avɨye” ehi Felipe, ahe Pedro iyavei Andrés recua Betsaida pendar secoi.

San Juan 1:45

Ipare oso Natanael reca, aipo ehi chupe: —Orosepia Poropɨ̃sɨrosar, sesendar acoi Moisés oicuachía cuachiar porocuaita resendar pɨpe aracahe, oicuachía avei sesendar Tũpa ñehe mombehusareta yuvɨreco. Ahe Jesús, José rahɨr, tecua Nazaret pendar —ehi.

San Juan 1:46

Natanael rumo aipo ehi: —¿Oime pĩha yuvɨnose vahe ava avɨye vahe Nazaret pendar? —ehi. —Yaso, teresepia ru —ehi Natanael upe.

San Juan 1:48

—¿Mara ere che cua eve? —ehi Natanael chupe. —Che oroepia yɨpɨve Felipe nde reca renondeve ɨvɨra higueravrɨve ereicose —ehi Natanael upe.

San Juan 4:35

Esepia, pe aipo peye: ‘Ipane vɨte irungatu yasɨ mbahe mitɨ ha monuha ãgua’ peye yepi; che rumo aipo ahe pẽu: pemahe pe ɨvɨrindar ava eta rese. Opa ité opɨha omoingatu yuvɨreco, ahe inungar mbahe mitɨ ha yavɨye vahe.