San Juan 5:18 - Tũpa Ñehengagüer

¹⁸ Aipo hese, judío, “Yayuca ité” ehi. “Esepia, ndahei mbɨtuhusa arɨ güeraño nomboyeroyai, ahe rumo oyeapo Tũpa nungar, Tũpa uve ‘che Ru’ ohe angahu tẽisa pɨpe” ehi yuvɨreco chupe.

Tüpä Ñe'ëngagwer

¹⁸ Aipo iñe'ë rese, judío eta oipota ite yuka agwä yuvɨreko, esepia nda'ei mbɨtu'usa arɨ gweraño nomboyeroyai, a'e rumo oyeapo tëi Tüpä nungar Tüpä che Ru e'i tëi oiko.

San Juan 5:18 Iomraidhean Croise

San Mateo 12:5

¿Ndapeyeroquɨi vo Moisés porocuaita resendar pɨpe? Esepia, judío pahi tũparo rese hañecosar ndopɨtuhui eté tũparo pɨpe yuvɨreco mbɨtuhusa arɨ pɨpe yepi. Ndahei rumo oyemboangaipa ipɨpe yuvɨreco.

San Juan 1:19

Judío rerecuar guasu tecua Jerusalén pendar oyocuai pahi eta iyavei ipɨ̃tɨvɨisareta imondo Juan uve ‘¿Ava vo nde? tehi yuvɨreco chupe’ oyapave icua ãgua.

San Juan 10:30

Che Ru iyavei che oroico ñepeiño ité —ehi judío rerecuareta upe.

San Juan 10:33

Judío rerecuareta omboyevɨ yuvɨreco chupe: —Nande api-apisai chira ita pɨpe que mbahe nde rembiapo avɨye vahe rese. Co rese rumo ẽgüe orohera ndeu. Esepia, nde ereñehe rai tẽi Tũpa rese. Nde moco ava tẽi ereico. Nde rumo ereyeapo Tũpa ndeyeupe ae —ehi yuvɨreco chupe.

San Juan 14:23

Evocoiyase aipo ehi Judas upe: —Acoi che raɨsu vahe, omboyeroya vahe che ñehe yuvɨreco, che Ru evocoiyase osaɨsura iyavei che Ru reseve oroyura oroico vaherã sese.

San Juan 14:9

—Felipe, setá arɨ aico pe rese, ¿ndapeicua vɨtei eté vo che recocuer? Acoi ava che repia vahe, ahe osepia ité che Ru; ¿mahera ru evocoiyase, “Torosepia rane ité nde Ru” ere vɨte cheu no?

San Juan 19:7

Judío rerecuar rumo omboyevɨ yuvɨreco: —Ore rumo orovɨreco mborocuaita. Ipɨpe omanoño itera. Esepia, oyeapo tẽi Tũpa Rahɨr —ehi yuvɨreco.

San Juan 5:15

Ahe mbɨa evocoiyase oso voi eté judío eta rerecuar upe ‘Jesús che mbogüera’ oya.

San Juan 5:16

Sese judío osaquɨcue moña iyavei oyuca pota yuvɨreco mbɨtuhusa arɨ pɨpe iporombogüera rese tẽi.

San Juan 5:17

Ahe rumo aipo ehi: —Che Ru niha oporavɨquɨño ité co arɨ rupi iyavei che aporavɨquɨño avei —ehiño judío upe.

San Juan 5:23

Ẽgüe ehi Guahɨr upe opacatu ava imboetei ãgua yuvɨreco inungar Tu imboeteiprɨ. Acoi ava Tahɨr nomboetei vahe, Tu imbousar avei nomboetei yuvɨreco.

San Juan 7:1

Ipare Jesús oguata ɨvɨ Galilea rupi. Ndoico potai eté ɨvɨ Judea rese. Esepia, aheve ava judío eta oseca ité ‘yayuca’ oya yuvɨreco.

San Juan 7:19

“Moisés niha omondo tẽi mborocuaita pẽu. Que ñepei pe pãhu pendar rumo ndipoi eté omboyeroya vahe. ¿Mahera ru che yuca pota peye?” ehi.

San Juan 8:54

—Che ae tẽi ayemboeteise mbahe che rembiapo pɨpe, ahese ndahei chira supi vahe viña. Che Ru rumo che mboetei, chupe ité: “Ore Tũpa” peye.

San Juan 8:58

—Supi eté aipo ahe pẽu: che aicove vahe Abraham yesuẽhɨ vɨteseve —ehi.

Filipenses 2:6

Yepe ahe Tũpa recocuer vɨreco, “Taseya eme Tũpa recocuer areco vahe ɨvɨve che so ãgua” ndehi.

Apocalipsis 22:1

Ipare Tũpa rembiguai omboyecua ɨai tecovesa resendar cheu, tɨ̃pɨu, oyecua tuprɨ, osẽ vahe Tũpa iyavei Ovesami renda porañete vahe sui.

Apocalipsis 22:3

Ndipoi chietera aheve que mbahe tẽivrɨ pendar. Tũpa renda porañete vahe iyavei Ovesami renda avei chinira evocoi tecua guasu pɨpe. Aheve sembiguai eta omboeteira yuvɨreco.