San Juan 20:15 - Tũpa Ñehengagüer

¹⁵ Evocoiyase oporandu María upe: —Cuña, ¿mahera vo ereyaseho? ¿Ava vo ereseca? —ehi chupe. Ahe omoha ‘co mbahe mitɨ rẽta rãrosar revo’ oya viña, aipo ehi chupe: —Nde ererasose sehõgüer, emombehuñomi tẽi cheu que vo eremondo. Aheve taso seca —ehi chupe.

Tüpä Ñe'ëngagwer

¹⁵ Jesús oporandu chupe:–Kuña, ¿ma'erä vo ereyase'o? ¿Ava vo ereseka eiko?A'e kuña, omo'ä mba'e mitɨ̇ rëtä rärösar revo e'i viña, a'ese aipo e'i chupe:–Nde ite ererasose, emombe'uño cheu kevo eremondo, che aso va'erä seka.

San Juan 20:15 Iomraidhean Croise

San Mateo 12:34

¡Evocoiyase pe, mboi nungar tẽi peico vahe, pe recocuer naporaise, ndapeicatui chira mbahe avɨye vahe rese pe ñehe ãgua! Esepia, pe pɨha pɨpe sui tẽi osẽ pe ñehe ãgua.

San Mateo 28:5

Tũpa rembiguai rumo aipo ehi voi eté cuña upe: —Pesɨquɨyei rene. Esepia, che aicua pe peseca Jesús yatɨcapɨrer.

San Marcos 16:6

Ahe rumo aipo ehi chupe: —Pesɨquɨye eme. Pe peseca Jesús Nazaret pendar, yatɨcaprɨ. Ahe rumo ocuerayevɨ; ndipoi eté cohave. Pesepia ru supagüer.

San Lucas 2:44

“Ouño revo ava pãhu rupi” ehi yuvɨreco chupe viña; aipo ehiño ité ñepei arɨ pɨpe yuvɨreco chupe. Oseca tẽise rumo omu pãhu rupi, iyavei omborɨpar pãhu rupi avei no,

San Lucas 24:5

Opaño ñaca ɨvɨso ɨvɨ cotɨ yuvɨreco osɨquɨyepave. Evocoiyase co mbɨa aipo ehi yuvɨreco chupe: —¡Mahera peseca tuvɨpa pãhu rupi ava oicove vahe!

San Juan 1:38

Evocoiyase omahe guaquɨcuei cotɨ. Ore repiase, oporandu oreu: —¿Mbahe vo pesecami peico? —ehi oreu. Ore evocoiyase, —Porombohesar, ¿que vo nde recosa? —orohe chupe.

San Juan 18:4

Yɨpɨve ité rumo oicua oyeupe mbahe oime vaherã. Sese osẽ voi eté yuvɨreco chupe oporandu: —¿Ava vo peseca? —ehi.

San Juan 18:7

Evocoiyase oporandu iri ava upe: —¿Ava vo peseca? —ehi. Ahe aipo ehi yuvɨreco: —Jesús, Nazaret pendar —ehi.

San Juan 20:13

Ahe Tũpa rembiguai oporandu yuvɨreco chupe: —Cuña, ¿mahera vo ereyaseho? —ehi. Ahe aipo ehi: —Esepia, che Yar rehõgüer vɨraso yuvɨreco iyavei ndaicuai que vo catu omondo yuvɨreco —ehi.