San Juan 2:18 - Tũpa Ñehengagüer

¹⁸ Evocoiyase judío mborerecuar yuvɨrecoi vahe oporandu yuvɨreco chupe: —¿Mbahe vo ereyapora nde mborerecuasa moporẽhɨ ãgua oreu cũritei? —ehi yuvɨreco chupe.

Tüpä Ñe'ëngagwer

¹⁸ Judío eta oporandu yuvɨreko chupe:–¿Mba'e vo ereyapora nde mborerekwasa mopore'ɨ̇ agwä kurïtëi oreu?

San Juan 2:18 Iomraidhean Croise

San Mateo 21:23

Ichui Jesús oique iri judío tũparo guasu pɨpe oporombohe. Ahese pahi eta rerecuar, judío rerecuar avei oyemboya sese, oporandu yuvɨreco chupe: —¿Ava nde cuaita pɨpe vo ereyapo co nungar eico? ¿Ava vo ombou nde mborerecuarã ndeu? —ehi.

San Marcos 8:11

Ipare fariseo eta oyepota Jesús ñehe poepɨ-epɨ ãgua yuvɨreco. Jesús recoãha ãgua, oporandu ɨva pendar poromondɨisa rese ‘¿Tũpa sui eté pĩha ou?’ oya yuvɨreco chupe.

San Lucas 11:29

Ava rehɨi oyere atɨ vɨtese Jesús rese yuvɨreco, ahe aipo ehi: “Pe cũriteindar ava ndaseco põrai vahe, peporandu tẽi poromondɨisa che recocuer cua ãgua rese. Che rumo namboyecuai chira ambuae poromondɨisa pẽu. Jonás recocuer rese güeraño opomomahenduhara.

San Juan 1:19

Judío rerecuar guasu tecua Jerusalén pendar oyocuai pahi eta iyavei ipɨ̃tɨvɨisareta imondo Juan uve ‘¿Ava vo nde? tehi yuvɨreco chupe’ oyapave icua ãgua.

San Juan 1:25

oporandu yuvɨreco chupe: —Evocoiyase ndahei niha aipo nde Poropɨ̃sɨrosar, ndahei avei Elías, ndahei eté Tũpa ñehe mombehusar imombehuprɨ ereico. ¿Mahera ru evocoiyase ereporoãpiramo? —ehi yuvɨreco chupe.

San Juan 6:30

Evocoiyase, —¿Mbahe poromondɨisa vo eremboyecua irimira oreu orosepia vaherã nde reroya tuprɨ catu ãgua?

Los Hechos 4:7

Evocoiyase güeru ucase Pedro iyavei Juan opãhuve yuvɨreco, oporandu yuvɨreco chupe: —¿Ava pe cuaita pɨpe vo, ava rer pɨpe avei vo co mbahe peyapo? —ehi.

Los Hechos 5:28

—Ore mborerecuar tecua pɨpendar, ndoroipotai peporombohe evocoi mbɨa recocuer rese. Pe rumo pembohe opacatu Jerusalén pendar secocuer rese serer pɨpe. Pemombehu avei ava rehɨi upe ore mborerecuar oroyuca uca evocoi mbɨa —ehi pahi rerecuar chupe.