San Juan 19:6 - Tũpa Ñehengagüer

⁶ Osepiase pahi eta rerecuar, sundao rerecuar avei, omboɨpɨ osapucai: —¡Tayatɨcasa! ¡Tayatɨcasa! —ehi pãve voi yuvɨreco chupe. Pilato evocoiyase aipo ehi ava upe: —Peraso, peyatɨca pe ae. Esepia, che ndayosui eté mbahe sembiavɨ —ehi.

Tüpä Ñe'ëngagwer

⁶ Osepiase rumo pa'i eta rerekwar iyavei sundao eta tüpäro rärösar, omboɨpɨ gwasë yuvɨreko:–¡Tayatɨkasa! ¡Tayatɨkasa!Pilato aipo e'i ava eta upe:–Peraso peyatɨka pe ae, esepia che ndayosɨi ete ñepëi mba'e sembiavɨ naporäi va'e.

San Juan 19:6 Iomraidhean Croise

San Mateo 26:58

Pedro rumo amombrɨ rupive tẽi osaquɨcue moña oso. Ẽgüe ehi oyepota pahi rerecuar ɨvate catu vahe rẽta rocar ãchisave. Aheve oique ipɨpe, iyavei oguapɨ oĩ sundao pãhuve ‘¿mara ehi etera pĩha sereco yuvɨreco?’ oya.

San Mateo 27:22

—¿Mbahe vo evocoiyase che ayapora Jesús rese chupe acoi ava, “Poropɨ̃sɨrosar” ehi yuvɨreco? —ehi. —¡Tayatɨcasa curusu rese! —ehi atɨ-atɨño yuvɨreco chupe.

San Mateo 27:24

Evocoiyase Pilato: “Ndaicatui mbahe moingatu sepɨ ãgua” ehi tẽi oyeupe. Sese ava yaɨvu guasu catu-catu irise, ogüeru uca ɨ. Ipɨpe oyepoi opacatu ava rehɨi rovaque aipo ehi: —Ndahei che remimbotar rupi co mbɨa yucasara; pe remimbotar rupi eté —ehi.

San Lucas 23:4

Evocoiyase Pilato aipo ehi pahi eta rerecuar upe opacatu ava upe avei: —Che rumo namohai eté co mbɨa que mbahe oyapo vaherã —ehi

San Juan 18:3

Sese Judas oyepotaño ité aheve sundao rehɨi reseve iyavei sundao tũparo rãrosar pahi rerecuar iyavei fariseo eta remimondo opacatu oyoepɨsa reseve yuvɨrecoi, guataendɨ reseve-seve avei yuvɨraso.

San Juan 18:31

Evocoiyase aipo ehi ava upe: —Peraso, pe ae peyapo mbahe pẽundar ité porocuaita rupi sese —ehi. Judío rerecuar evocoiyase omboyevɨ yuvɨreco: —Ore judío oroico vahe upe rumo ndipotasai oroyuca vaherã que ava —ehi.

San Juan 18:38

Pilato rumo, —¿Mbahe vo aipo supi eté vahe? —ehi chupe. Aipo ohe pare, Pilato osẽ iri judío eta upe oñehe aipo ehi: —Che ndayosui eté co mbɨa rese mbahe sembiavɨ.

San Juan 19:15

Ahe rumo osapucai pĩratá aipo ehi yuvɨreco: —¡Tomano! ¡Tomano ité! ¡Tayatɨcasa! —ehi yuvɨreco chupe. Pilato rumo aipo ehi chupe: —¿Evocoiyase ayatɨca ucara pe rerecuar? —ehi. Pahi eta rerecuar rumo omboyevɨ yuvɨreco chupe: —¡Ore ndorovɨreco iri ambuae mborerecuar, Roma pendar mborerecuar ɨvate catu vahe güeraño ité orovɨreco! —ehi yuvɨreco.

San Juan 19:4

Pilato evocoiyase osẽ iri ava upe aipo ehi: —Pesepia, anose pẽu pe icua ãgua che ndayosui eté mbahe sembiavɨ —ehi.

Los Hechos 2:23

Ipare rumo evocoi Jesús imondosa pẽu yuca ãgua. Ahe rumo Tũpa remimbotar rupi. Esepia, yɨpɨve ité Tũpa oicua pe peipɨsɨra yuca uca ãgua curusu rese ava naporai vahe upe.

Los Hechos 7:52

¡Uma profeta revo ndovɨreco meguai pe ramoi yuvɨreco! Ahe avei oyucapa yɨpɨndar omombehu vahe ndaseco marai vahe yusa resendar yuvɨreco. Cũritei ou ndaseco marai vahe cute. Pe avei evocoiyase ahe yuca uca ãgua peporocuai.