San Juan 19:29 - Tũpa Ñehengagüer

²⁹ Aheve oime mbahe rɨru. Ipɨpe savapɨpo vinagre oĩ. Co vinagre pɨpe omoaquɨ mbahe saviyu vahe yuvɨreco omondo ɨvɨra rese, osupi, imondo iyuruve yuvɨreco.

Tüpä Ñe'ëngagwer

²⁹ A'eve oime ñepëi mba'e rɨru savapɨpo tuprɨ uva rɨgwer sai va'e öi. Ipare omoakɨ̇ ñepëi mba'e saviyu va'e uva rɨkwer pɨpe yuvɨreko, oñapɨ̇chi ñepëi ɨvɨra rese imondo iyuru rese.

San Juan 19:29 Iomraidhean Croise

San Mateo 27:34

aheve uva rɨcuer imboyesehaprɨ mbahe pɨhaupiar rese omondo tẽi yuvɨreco Jesús toɨhu. Osãha tẽi, ndoɨhu potai rumo.

San Mateo 27:48

Aheseve voi imboetasa oña, oso mbahe saviyu vahe reca, omoaquɨ vinagre pɨpe imondo ɨvɨra aprɨ rese chupe ‘toɨhu’ oya.

San Mateo 27:50

Ahese Jesús sãse pĩrata iri, omano.

San Marcos 15:36

Evocoiyase ñepei imboetasa oña oso mbahe saviyu vahe reca. Ahe omoaquɨ vinagre pɨpe imondo ɨvɨra aprɨ rese chupe ‘toɨhu’ oya: —Ẽgüe tehiño rane, ¿oura pĩha Elías seroyɨ ãgua curusu sui? —ehi.

San Lucas 23:36

Iyavei sundao seroɨ̃ropare omondo vinagre itoɨhu yuvɨreco,