San Juan 16:30 - Tũpa Ñehengagüer

³⁰ Supi eté ereicua opacatu mbahe, ereicua avei ore porandusa. Evocoiyase ndiya iri ore porandu ãgua mbahe rese ndeu. Sese orovɨroya Tũpa sui nde yusa —orohe chupe.

Tüpä Ñe'ëngagwer

³⁰ Kurïtëi orosepia ite opakatu mba'e ereikwase iyavei ndiya iri chira revo oporandu iri va'erä mba'e rese yuvɨreko ndeu. Sese ore orovɨroya ite nde ereyuse Tüpä sui.

San Juan 16:30 Iomraidhean Croise

San Juan 16:17

Evocoiyase ore oroporandu-randu tẽi oreyeupe aipo orohe: —¿Mara oya pĩha: ‘Avɨyeteramo tẽi ndache repia iri chira peye’ ehi yandeu; ipare rumo aipo coiye catumi yasepiara iyavei aipo osora Vu pɨri no?

San Juan 16:23

“Ahe arɨ pɨpe, ndapeporandu iri chietera mbahe rese cheu. Supi eté aipo ahe pẽu: che Ru omboura opacatu mbahe pẽu che rer pɨpe peporanduse.

San Juan 16:26

Ahe arɨ pɨpe pe peporandura mbahe rese che rer pɨpe; che rumo, ‘Ayeroquɨra pe rese che Ru upe’ ndahei pẽu.

San Juan 16:31

—¿Evocoiyase che reroya ité peye? —ehi—.

San Juan 17:8

Esepia, amombehu ité nde ñehe erembou vahe cheu; ahe vɨroya ité yuvɨreco, vɨroya avei nde che mbousa yuvɨreco.

San Juan 2:11

Co yɨpɨndar vahe poromondɨisa Jesús oyapo vahe aheve. Ipɨpe omboyecua güeco pĩratasa. Sese semimbohe vɨroya ité yuvɨreco.

San Juan 21:17

Imombosapɨsa rupi oporandu iri chupe: —Simón, Juan rahɨr, ¿che raɨsu vo eve? —ehi. Aipo oyeupe hese, Pedro ndoyembovɨhai eté aipo ehi: —Che Yar, nde niha opacatu ereicua, nde avei ereicua che nde raɨsusa —ehi. —Evocoiyase ndehañeco tuprɨ catu che reroyasar rese —ehi—.

San Juan 5:20

Esepia, Tu Guahɨr raɨsupave omboyecua opacatu mbahe güembiapo chupe iyavei omboyecuaño vɨte itera mbahe poromondɨisa tuvicha catu vahe sembiaporã, ‘¡Mara ehi rutei co!’ pehe tẽi ãgua chupe.

San Juan 8:42

Evocoiyase aipo ehi co judío eta upe: —Tũpa ité pe yesupase rumo, che raɨsura peye viña. Esepia, che ayu Tũpa sui. Sese cũritei cohave aico. Ndahei cheyesui tẽi ayu, Tũpa rumo che mbou.

Hebreos 4:13

Ndipoi eté niha mbahe Tũpa rembiapo ñomiprɨ ichui. Opacatu ité oicua, osepia avei opacatu mbahe. Ahe niha oporandura opacatu yande recocuer rese yandeu curi.