San Juan 16:17 - Tũpa Ñehengagüer

¹⁷ Evocoiyase ore oroporandu-randu tẽi oreyeupe aipo orohe: —¿Mara oya pĩha: ‘Avɨyeteramo tẽi ndache repia iri chira peye’ ehi yandeu; ipare rumo aipo coiye catumi yasepiara iyavei aipo osora Vu pɨri no?

Tüpä Ñe'ëngagwer

¹⁷ Evokoiyase oime semimbo'e oporandu-randu oyeupe ae yuvɨreko:–¿Marä oyapave pi'ä aipo e'i? Ndayasepia iri chira sereko seta arɨ rupi ko'ave, ipare koiye katumi yasepia irira, esepia ni'ä aipo osora Oyesupa rekosave.

San Juan 16:17 Iomraidhean Croise

San Marcos 9:10

Oyeupeñomi tẽi vɨreco aipo ñehesa yuvɨreco, ahe rumo oporandu-randu oyeupe: “¿Mara oya pĩha aipo, ‘Acuerayevɨra’ ehise?” ehi tẽi yuvɨreco.

San Marcos 9:32

Semimbohe rumo ndosenducuai eté oyeupe ñehesa yuvɨreco iyavei osɨquɨye chupe porandu ãgua yuvɨreco yepi.

San Lucas 18:34

Semimbohe rumo ndosenducuai eté iñehe yuvɨreco. Esepia niha, yavai eté senducua ãgua yuvɨreco chupe.

San Lucas 9:45

Semimbohe rumo ndosenducuai eté oyeupe ñehesa yuvɨreco. Esepia niha, Tũpa ndoipotai eté senducua ãgua chupe; osɨquɨye chupe oporandu ãgua yuvɨreco yepi.

San Juan 12:16

Yɨpɨndar, ore semimbohe eta, ndorosenducuai eté co aracahendar imombehuprɨ. Ipare rumo oyevɨse güecosa porañetesave, ahese oremahenduha aracahendar sesendar icuachiaprɨ rese, “Supi eté omombehu” orohe tẽi sepiase.

San Juan 14:22

Judas (ndahei vahe rumo Iscariote) aipo ehi: —Che Yar, ¿mahera oreuño ereyemboyecuara; mahera ru ndereyemboyecua iri chira ava nde reroyasarẽhɨ upe? —ehi chupe.

San Juan 14:5

Tomás rumo aipo ehi chupe: —Che Yar, ndoroicuai rumo que vo eresora. ¿Mara orohera vo aipo icua ore so ãgua? —ehi.

San Juan 16:1

“Pe mocañɨehɨ ãgua che rese pe yeroyasa aipo ahe opacatu co mbahe imombehu pẽu: pe mombora judío rerecuar oñemonuhasa sui yuvɨreco, pe yuca aveira yuvɨreco. Ahe rumo omohara, ‘Tũpa uve nara revo na yahe’ ehira yuvɨreco viña.

San Juan 16:16

“Avɨyeteramo tẽi ndache repia iri chira peye. Ipare rumo coiye catumi che repia irira peye” ehi oreu.

San Juan 16:18

¿Mara oya vo aipo: ‘Avɨyeteramo tẽi’ ehi? Ndayasenducuai mo aipo iñehesa —orohe oreyeupe.

San Juan 16:19

Ipare rumo ‘oporandura co mbahe rese yuvɨreco cheu’ oya aipo ehi voi oreu: —¿‘Ipare rumo coiye catumi che repia irira peye’ che he agüer rese co pe porandu vɨte peyeupe? —ehi—.

San Juan 16:5

Cũritei rumo asora che mbousar pɨri iyavei ndipoi que ñepei pe pãhu pendar ‘¿que vo aipo eresora?’ ehi vahe cũritei cheu.