San Juan 13:9 - Tũpa Ñehengagüer

⁹ Pedro evocoiyase aipo ehi: —¡Che Yar, aní catu che pɨ año ereyosei; eyosei che po, che rova avei! —ehi chupe.

Tüpä Ñe'ëngagwer

⁹ Simón Pedro aipo e'i chupe:–¡Evokoiyase che Yar, ani katu che pɨ gweraño ereyosei, eyosei avei che po iyavei che akä!

San Juan 13:9 Iomraidhean Croise

San Mateo 27:24

Evocoiyase Pilato: “Ndaicatui mbahe moingatu sepɨ ãgua” ehi tẽi oyeupe. Sese ava yaɨvu guasu catu-catu irise, ogüeru uca ɨ. Ipɨpe oyepoi opacatu ava rehɨi rovaque aipo ehi: —Ndahei che remimbotar rupi co mbɨa yucasara; pe remimbotar rupi eté —ehi.

San Juan 13:10

—Acoi oyasupa ramo vahe rumo, ahe ndiquɨhai eté. Sese ndiyai oyasu iri. Ipɨ güeraño rumo iya yoseisa. Ẽgüe peye ndipoi eté mbahe pe rese; ndaopacatui rumo ẽgüe peye —ehi.

San Juan 13:8

Pedro rumo aipo ehi chupe: —¡Che pɨ rumo ndereyosei chietera! —ehi. —Ndayoseise rumo nde pɨ, ndahei chietera evocoiyase che rupindar ereico —ehi Pedro upe.

Hebreos 10:22

sese yayemboya catura Tũpa rese yande pɨhañemoñeta tuprɨsa pɨpe iyavei yande yeroyasa ipa voi vahe pɨpe. Supi eté ahe opa yande reco mbocatuprɨ yande pɨhañemoñeta raisa sui iyavei omoatɨro yande rete ɨ maranehɨ pɨpe.

1 San Pedro 3:21

Ahe ɨ osãhangapo ɨ poroãpiramosa, ahe omboyecua yande ipɨ̃sɨroprɨ yande recosa. Poroãpiramosa rumo ɨ pɨpe ndahei yande rete moatɨro ãgua. Co rumo yaporandura Tũpa upe, yande pɨhañemoñetasa moatɨro ãgua. Ipɨpe sui evocoiyase yañepɨsɨrora yande Yar Jesucristo cuerayevɨsa pɨpe.