San Juan 13:27 - Tũpa Ñehengagüer

²⁷ Judas oipɨsɨse pan, oguapɨ voi eté Caruguar sese. Evocoiyase aipo ehi Judas upe: —Evocoi ereyapo pota vahe, eyapo voiño ité ru —ehi chupe.

Tüpä Ñe'ëngagwer

²⁷ Ipare rumo Judas oipɨsɨ voi ete mboyape, a'ese Karugwar oike voi ete ipɨ'a pɨpe. Jesús aipo e'i chupe:–Akoi ereyapo pota va'e eiko, eyapo voi ete kurïtëi.

San Juan 13:27 Iomraidhean Croise

San Mateo 12:45

Sepiase, oso siete caruguar naporai catu vahe reca. Ichui güeruse, oyoya guasu yuvɨroique co mbɨa pɨha pɨpe. Sese mbahe tẽi catu ité secocuer yɨpɨndar güeco agüer sui. Ẽgüe ehi aveira ava cũriteindar ndaseco põrai vahe upe” ehi.

San Mateo 4:10

Aipo oyeupe hese: —Eyepepɨ che sui cũritei, Caruguar —ehi—. Esepia, icuachiaprɨ: ‘Emboetei nde Yar Tũpa, ahe güeraño tuprɨ avei eremboyeroyara’ ehi —ehi Caruguar upe.

San Marcos 6:25

Ipare cuñatai oña, oique oso mborerecuar guapɨsave, aipo ehi chupe: —Che aipota co pɨpeve voi eremboura Juan Oporoãpiramo vahe ãca poratu pɨpe cheu —ehi.

San Lucas 22:3

Evocoiyase Caruguar oique Judas pɨha pɨpe, ahe acoi doce tuprɨ semimbohe pãhu pendar Iscariote serer vahe.

San Juan 13:2

Caruguar oique ité Simón rahɨr, Judas Iscariote, pɨha pɨpe imondo ãgua yamotarẽhɨmbar uve. Jesús rumo oicua ité Vu Tũpa sui ousa, oicua avei oyevɨ iri ãgua Vu Tũpa pɨri iyavei Tu omondo opacatu omborerecuasa chupe. Sese ocaruse güemimbohe eta reseve, mesa sui opũha, osequɨi oturucuar yohasa. Ipare omonde ambuae turucuar vumbɨcuasa rese.

San Juan 13:28

Que ñepei rumo mesave orocaru vahe, ndorosenducuai eté aipo ihesa.

San Juan 6:70

—Che niha opoporavo doce peico vahe, ñepei rumo pe pãhu pendar caruguar ité —ehi Simón upe.

Los Hechos 5:3

Evocoiyase Pedro aipo ehi chupe: —Ananías, ¡mahera ereroya Caruguar nde pɨha pɨpe Espíritu Santo mbopa ãgua, eremboyahoño tẽi nde ɨvɨ reprɨ guarepochi ndeyeupe nara!