San Juan 12:2 - Tũpa Ñehengagüer

² Eipeve ocaru yuvɨreco Jesús mboeteisave. Marta ihañeco sese; Lázaro evocoiyase ocaru yuvɨnoi mesave ipɨri.

Tüpä Ñe'ëngagwer

² A'eve okaru yuvɨreko Jesús mboeteisave; Marta i'añeko sese; Lázaro evokoiyase okaru yuvɨnoi ipɨri.

San Juan 12:2 Iomraidhean Croise

San Mateo 26:6

Jesús tecua Betania ve secoi, Simón lepra vɨreco vahecuer rẽtave.

San Marcos 14:3

Ahese Jesús secoi Betania ve Simón lepra vɨreco vahecuer rẽtave. Aheve mesave chiniseve, cuña güeru mbahe sɨ̃acua vahe sɨru reseve sepɨ́ iteanga vahe. Ahe osovapɨsa rerocua, ipare oipɨyere Jesús ãca rese.

San Lucas 12:37

Avɨye itera serecuar upe osepiase iyemoingatu voi; evocoiyase serecuar ae niha ihañecora sese, omboguapɨra mesave imbocaru.

San Lucas 14:12

Ipare aipo ehi avei ichohosar upe: —Ereyapo potase pieta, ndereichoho ucai chira nde mborɨpar, que nde rɨvrɨ, que nde mu iyavei que nde rẽta cotɨndar imbahe eta vahe. Esepia niha, ahe omboyevɨra ndeu, nde soho ucara oyepɨri yuvɨreco; ẽgüe ehira evocoiyase mbahe imboyevɨpa yuvɨreco ndeu.

San Lucas 22:27

¿Uma pĩha ɨvate catu vahe: co mesave oguapɨ vahe ocaru yuvɨreco? ¿Sese ihañeco vahe tie? Acoi mesave oguapɨ vahe niha. Che rumo co aico pe pãhuve inungar pe rese ihañeco vahe.

San Lucas 5:29

Ipare Leví oyapo pieta guasu chupe nara güẽtave. Aheve iyemborɨsave setá imboetasa ava guarepochi rerocuasar iyavei ambuae ava ocaru yuvɨnoi ipɨri.

Apocalipsis 3:20

Esepia, inungar que ava oquenda omotara oquendɨpɨve ohã viña, ẽgüe ahe pe pɨhave vichico; pesenduse che ñehe, pemboira cheu. Che evocoiyase aiquera pe pɨri, yacarura oyepɨri.