San Juan 11:33 - Tũpa Ñehengagüer

³³ Osepiase María yaseho iyavei judío eta yuvɨraso vahe supi, opɨha pɨpe oyandu ité ovɨharẽhɨsa.

Tüpä Ñe'ëngagwer

³³ Jesús, osepiase María yase'o iyavei judío eta yuvɨraso va'e supi, opɨ'a pɨpe oyandu ite ovɨ'are'ɨ̇sa,

San Juan 11:33 Iomraidhean Croise

San Marcos 3:5

Evocoiyase omahe ava oyese oyere tuprɨ vahe rese vorɨẽhɨsave iyavei ndovɨhai ava ndosenducua catuise yuvɨreco. Sese aipo ehi ipo nomɨi vahe uve: —Eichoho nde yɨva —ehi. Evocoiyase oichoho oyɨva, ocuera tuprɨ ité.

San Marcos 9:19

Jesús omboyevɨ chupe: —¡Too, ndapeyeroya tuprɨ vɨtei eté che rese! ¿Mbovɨ rupi rutei vo aico vɨtera pe pãhuve che ñemosasa pɨpe? Peru evocoi chĩhivahe cheu —ehi.

San Juan 11:19

Setá judío yuvɨraso Marta iyavei María pɨri iquɨvrɨ mano agüer sui imbovɨha ãgua.

San Juan 11:31

Osepiase María sẽ poyava, judío eta sẽtave yuvɨrecoi vahe imbovɨhasar yuvɨraso voi saquɨcuerive, “Oquɨvrɨ ruvɨpave revo osora oyaseho” ehi yuvɨreco viña.

San Juan 11:34

Evocoiyase oporandu: —¿Que vo peñotɨ? —ehi chupe. Ahe aipo ehi yuvɨreco chupe: —Ore Yar, erio, teresepia —ehi.

San Juan 11:35

Ahese Jesús oyaseho.

San Juan 11:38

Jesús oyemboya suvɨpave ovɨharẽhɨsa pɨpe; ahe suvɨpa ita hoprɨ, sovapɨsa ita avei.

San Juan 12:27

“¡Cũritei ayandu ité mbahe-mbahe tẽi oime vaherã cheu! ‘¿Mara ahera pĩha?’ ahe tẽi. ¿Aipo ahera: ‘Che Ru, che pɨ̃sɨro eve cũritei cheu oime vaherã mbahe tẽi sui’ ahera viña? ¡Che rumo aicua evocoi nungarã ité ayu!

San Juan 13:21

Aipo ohe pare, Jesús ndoyembovɨhai eté iyavei mbahe oime vaherã omboyecua tuprɨ ité, —Supi eté aipo ahe pẽu: ñepei pe pãhu pendar che mondora che amotarẽhɨmbar upe —ehi.

Romanos 12:15

Peyembovɨha acoi ava oyembovɨha vahe rupive; peyaseho avei ava oyaseho vahe rupive.

Hebreos 4:15

Esepia, yande pahi ɨvate catu vahe oicuaño ité yande recocuer pĩrataẽhɨsa. Ahe avei niha yande nungar aracaco vɨroparaɨsu opacatu mbahe-mbahe tẽi güecoãhasa. Ahe rumo ndoyemboangaipai eté ipɨpe.