San Juan 10:11 - Tũpa Ñehengagüer

¹¹ Che ité ava rãrosar avɨye vahe aico. Sese ayemoingatu tuprɨ che recocuer mondo ãgua ava cheundar repɨrã;

Tüpä Ñe'ëngagwer

¹¹ Che aiko ava rärösar avɨye va'e ite. Ava rärösar rumo avɨye va'e omondo ite gwekokwer ovesa repɨrä;

San Juan 10:11 Iomraidhean Croise

San Mateo 20:28

Esepia, che, Ava Rɨquehɨr, ayu ndahei ava che rese ihañeco ãgua, che rumo ayu ava rese che hañeco ãgua iyavei amano vaherã ava eta repɨrã Caruguar povrɨ sui senose ãgua —ehi.

San Juan 10:2

Oique vahe rumo oquendɨpɨ rupi eté, ahe sãrosar ité secoi.

San Juan 15:13

Ndipoi eté que poroaɨsusa ɨvate catu vahe co sui omondose que ava güecocuer omborɨpar rese nara.

Efesios 5:2

Peico pe poroaɨsusa pɨpe, inungar Cristo yande raɨsu iyavei oyemondo yande recocuer rese, ovesa nungar seropovẽheprɨ Tũpa uve. Ahe avɨye ité inungar mbahe sɨ̃acua vahe chupe.

Tito 2:14

Ahe oyemondo oyeyuca uca yande rese yande pɨ̃sɨro ãgua opacatu mbahe-mbahe tẽi sui yande reco moatɨro tuprɨ ãgua. Evocoiyase yande yaico chupe nara güeraño ité yande querẽhɨsave opacatu mbahe avɨye vahe apo ãgua.

Hebreos 13:20

Tũpa mbahe tuprɨ rerecosar, ahe niha ombogüerayevɨ vahe yande Yar Jesucristo yande rãrosar ɨvate catu vahe, suvɨ pɨpe omboyecua güemimbotar pɨasu ndopai vahe imbou yandeu,

1 San Pedro 5:4

Evocoiyase acoi oyevɨse yande Yar, yande rãrosar ɨvate catu vahe, ahese peipɨsɨra mbahe porerecosa, teco orɨ porañete apɨrẽhɨ vahe.

1 San Juan 3:16

Jesucristo niha omondo güecocuer manosave yande recocuer repɨrã. Ichui yande yaicua poroaɨsusa. Sese yande avei ẽgüe tayahe yande rɨvɨreta rese.

Apocalipsis 7:17

Esepia, evocoi Ovesa secoi Vu renda rovai, ahe osãrora ava rehɨi sereco inungar ovesa rãrosar. Ipare opara vɨraso tecovesa resendar ɨ ndopai vahesave imboɨhu ãgua. Tũpa evocoiyase omombɨtuhupara imboyasehosa sui yuvɨreco” ehi.