San Juan 1:21 - Tũpa Ñehengagüer

²¹ Evocoiyase oporandu iri yuvɨreco: —¿Ava ité vo nde? ¿Nde tie Elías ereico? —ehi. —Ndahei eté che ahe aico —ehi. Evocoiyase, —¿Nde tie acoi Tũpa ñehe mombehusar ou vaherã? —ehi yuvɨreco chupe. —Aní eté —ehi.

Tüpä Ñe'ëngagwer

²¹ Evokoiyase oporandu iri yuvɨreko chupe:–¿Ava ite vo nde? ¿Nde tie Tüpä ñe'ë mombe'usar Elías ereiko?Juan aipo e'i:–Nda'ei ete che a'e aiko.A'e rumo oporandu iri yuvɨreko:–Evokoiyase, ¿Nde ite vo ereiko Tüpä ñe'ë mombe'usar ou va'erä?A'e omboyevɨ:–Ani nda'ei ete che.

San Juan 1:21 Iomraidhean Croise

San Mateo 11:14

Yepe yavaira seroya ãgua pẽu viña, Juan rumo, Tũpa ñehe mombehusar Elías. Ahe imombehuprɨ ou vahe.

San Mateo 16:14

Semimbohe evocoiyase aipo ehi yuvɨreco chupe: —Amove ava: “Juan Oporoãpiramo vahe” ehi yuvɨreco ndeu; ambuae aipo ehi yuvɨreco: “Elías”; ambuae ava aipo ehi avei yuvɨreco: “Jeremías”; anise ambuae ava, “Tũpa ñehe mombehusar mboetasa” ehi yuvɨreco ndeu —ehi.

San Mateo 21:11

Ava rehɨi oguata vahe Jesús rupi aipo ehi yuvɨreco chupe: —Co niha Jesús, Tũpa ñehe mombehusar, ɨvɨ Galilea rupindar, Nazaret pendar —ehi yuvɨreco chupe.

San Lucas 1:17

Ahe vɨrecora espíritu pĩratasa oyese oyoyara Tũpa ñehe mombehusar Elías rese ‘ava guahɨr rese tiñero yuvɨreco oyeupe’ oya, ‘toyembohe avei ava ndiporeroyai vahe yuvɨreco seco catuprɨ vahe aracuasa mboyeroya ãgua rese’ oyapave. Ẽgüe ehira ava mbohe imoingatu yande Yar pɨsɨ ãgua sereco —ehi chupe.

San Juan 1:22

—¿Ava rutei vo evocoiyase nde? ¡Emombehu oreu ore oromombehu vaherã ore mbousar uve! ¿Mbahe ité vo eremombehura ndeyesuindar oreu? —ehi yuvɨreco chupe.

San Juan 1:25

oporandu yuvɨreco chupe: —Evocoiyase ndahei niha aipo nde Poropɨ̃sɨrosar, ndahei avei Elías, ndahei eté Tũpa ñehe mombehusar imombehuprɨ ereico. ¿Mahera ru evocoiyase ereporoãpiramo? —ehi yuvɨreco chupe.

San Juan 6:14

Evocoiyase ava eta co poromondɨisa guasu Jesús rembiapo repiase, aipo ehi yuvɨreco: —Supi eté co uve revo acoi: “Oura Tũpa ñehe mombehusar ɨvɨ pɨpe” ehi icuachiaprɨ aracahendar pɨpe —ehi yuvɨreco.

San Juan 7:40

Osenduse ava rehɨi aipo nungar, amove aipo ehi: —Supi eté co mbɨa Tũpa ñehe mombehusar imombehuprɨ ou vahe —ehi yuvɨreco chupe.