San Juan 1:19 - Tũpa Ñehengagüer

¹⁹ Judío rerecuar guasu tecua Jerusalén pendar oyocuai pahi eta iyavei ipɨ̃tɨvɨisareta imondo Juan uve ‘¿Ava vo nde? tehi yuvɨreco chupe’ oyapave icua ãgua.

Tüpä Ñe'ëngagwer

¹⁹ Ko ñe'ësa omombe'u va'e Juan, a'ese mborerekwar judío rekwa pendar oyokwai Jerusalén sui imondo pa'i eta iyavei levitas imboporandu agwä Juan upe ava pi'ä a'e sekoi oyapave.

San Juan 1:19 Iomraidhean Croise

San Juan 1:7

Ahe rumo ou co tesapesa cua uca ãgua ‘tovɨroya opacatu ava yuvɨreco’ ohesave.

San Juan 10:24

Evocoiyase judío rerecuareta oyere tuprɨ yuvɨreco sese aipo ehi yuvɨreco chupe: —¿Marase rutei vo eremombehu tuprɨra Poropɨ̃sɨrosar nde recosa oreu? Emombehu tuprɨ catu ñepei reseve oreu —ehi yuvɨreco chupe.

San Juan 10:31

Aipo ihese, judío rerecuareta osupipa iri ita yuvɨreco yapi ãgua.

San Juan 11:19

Setá judío yuvɨraso Marta iyavei María pɨri iquɨvrɨ mano agüer sui imbovɨha ãgua.

San Juan 2:18

Evocoiyase judío mborerecuar yuvɨrecoi vahe oporandu yuvɨreco chupe: —¿Mbahe vo ereyapora nde mborerecuasa moporẽhɨ ãgua oreu cũritei? —ehi yuvɨreco chupe.

San Juan 2:20

Aipo hese, mborerecuar aipo ehi yuvɨreco chupe: —Co tũparo rumo imopuhasa cuarenta y seis aravɨter rupi, ¿ereicatura pĩha aipo nde imopuha iri mbosapɨ arɨ rupive? —ehi yuvɨreco chupe.

San Juan 5:10

Evocoiyase judío aipo ehi ocuera vahecuer upe yuvɨreco: —Co pɨpe rumo mbɨtuhusa arɨ, nande cuaitai nde rupa rese ndevosɨi ãgua —ehi yuvɨreco chupe.

San Juan 5:15

Ahe mbɨa evocoiyase oso voi eté judío eta rerecuar upe ‘Jesús che mbogüera’ oya.

San Juan 5:16

Sese judío osaquɨcue moña iyavei oyuca pota yuvɨreco mbɨtuhusa arɨ pɨpe iporombogüera rese tẽi.

San Juan 5:18

Aipo hese, judío, “Yayuca ité” ehi. “Esepia, ndahei mbɨtuhusa arɨ güeraño nomboyeroyai, ahe rumo oyeapo Tũpa nungar, Tũpa uve ‘che Ru’ ohe angahu tẽisa pɨpe” ehi yuvɨreco chupe.

San Juan 6:41

Evocoiyase judío eta oñehe-ñehe tẽi sese yuvɨreco, “Che pan aico, agüeyɨ vahe ɨva sui” ihesa rese

San Juan 6:52

Aipo hese, judío rerecuar oyeecopɨ-copɨ yuvɨreco aipo ehi: —¿Mara ehira vo aipo co imbou tẽi güete yande tohu viña? —ehi yuvɨreco.

San Juan 7:1

Ipare Jesús oguata ɨvɨ Galilea rupi. Ndoico potai eté ɨvɨ Judea rese. Esepia, aheve ava judío eta oseca ité ‘yayuca’ oya yuvɨreco.

San Juan 7:11

Judío eta oseca tẽi yuvɨreco pietasave aipo ehi: —¿Que pĩha acoi mbɨa? —ehi tẽi yuvɨreco.

San Juan 7:15

Judío eta rerecuar evocoiyase, —¡Too, mara ehi rutei! —ehi tẽi—. ¿Mara ehi vo co mbahecuá iteanga? ¡Ndoyembohei vahe niha yande yeroquɨsave! —ehi tẽi yuvɨreco.

San Juan 8:22

Aipo ihese, judío eta aipo ehi yuvɨreco: —¿Oyeyucara pĩha ahe ae; ayeve pĩha aipo ehi yandeu? —ehiño yuvɨreco chupe.

San Juan 8:48

Evocoiyase judío eta aipo ehi Jesús upe yuvɨreco: —Supi eté, ore oroicua nde Samaria ɨguar tẽi ereico, caruguar ité erereco ndeyese —ehi yuvɨreco chupe.

San Juan 8:52

Evocoiyase judío omboyevɨ yuvɨreco chupe aipo ehi: —Cũritei oroicua ité cute nde ererecose caruguar ndeyese. Esepia, Abraham iyavei opacatu Tũpa ñehe mombehusar omanopa ité yuvɨreco. ¿Mahera ru aipo nde, ‘Acoi che ñehe reroyasar nomanoi chietera’ ere?

San Juan 8:57

Evocoiyase judío eta: —¿Mara erera vo aipo Abraham repia ndererecomi vɨteise cincuenta aravɨter? —ehiño yuvɨreco chupe.

Los Hechos 13:25

Juan omboavɨye senimise ocuaita, aipo ehi ava upe imombehu: ‘Pepɨhañemoñeta revo: co ité yande pɨ̃sɨrora, peye cheu viña. Oura rumo ambuae che raquɨcuei. Ahe che sui ɨvate catu vahe sese cheu ndiyai ipɨtaquisã yora ãgua ipɨ sui’ ehi Juan” ehi judío tũparo pendar upe imombehu.

Los Hechos 19:4

Evocoiyase aipo ehi ahe ava upe: —Juan niha oñapiramo acoi omboasɨ vahe oangaipa oyevɨse Tũpa upe. Ipare rumo omombehu ava upe: “Peroya ahe eté vahe ou vaherã che raquɨcuei” ehi. Ahe ou vaherã, “Jesús upe” aipo ehi —ehi Pablo chupe.

1 San Juan 1:5

Iyavei Jesucristo ore mbohe co ñehesa rese, ahe oromombehu pẽu: yande Ru Tũpa niha tesapesa secoi; ndipoi eté pɨ̃tumimbisa sese.