Gálatas 4:1 - Tũpa Ñehengagüer

¹ Amboyoapɨ vɨtera co che ñehesa pẽu: inungar que ava omanose, oseya ombahe eta guahɨr upe chĩhivahemise. Yepe ahe tahɨr opacatu mbahe yar secoira viña, ahe rumo inungar tuprɨ mbiguai tẽi secoi vahe yepi.

Tüpä Ñe'ëngagwer

¹ Amboyoapɨ vɨtera ko che ñe'ësa peü: inungar ava omanose, oseya omba'e eta gwa'ɨrɨ upe chi'ïvä'emise, yepe a'e ta'ɨrɨ opakatu mba'e yar sekoira viña, a'e rumo inungar tuprɨ mbigwai tëi sekoi va'e yepi.

Gálatas 4:1 Iomraidhean Croise

Gálatas 3:29

Jesucristo rese peicose, pe evocoiyase Abraham suindar nungar tuprɨ ité peico. Evocoiyase pe avei peipɨsɨra Tũpa remimombehu porerecosa yandeundar.

Gálatas 4:2

Esepia, ahe guãrosar povrɨve secoi imboyeroya ãgua. Ocuacuase voi eté, opoira tu remimombehugüer rupi ichui.

Gálatas 4:23

Evocoi sembiguai membrɨ oha que ava tẽi yesu nungar; sembireco membrɨ rumo oha Tũpa remimombehugüer rupi eté.

Gálatas 4:29

Co rumo aracahe sembiguai membrɨ oha vahe ava tẽi yesu nungar, ahe ndoyambotai sembireco membrɨ acoi Espíritu pĩratasa pɨpe sui oha vahe; cũritei ẽgüe ehi tuprɨ avei.

1 San Juan 5:10

Acoi vɨroya vahe Tũpa Rahɨr vɨreco ité ahe semimombehu opɨha pɨpe. Acoi ndovɨroyai vahe rumo Tũpa, semirañete ai vahe nungar tẽi vɨreco. Esepia, ndovɨroyai Tũpa ñehe Tahɨr resendar.