Gálatas 2:3 - Tũpa Ñehengagüer

^3-4 Oime rumo amove yande rɨvrɨ angahu tẽi, ahe yuvɨroique mbegüe vahe ore pãhuve ‘yasecoepia rane, ¿supi eté ndovɨroyai Moisés porocuaita Jesucristo reroyasa pɨpe yuvɨreco?’ oyapave. Oipota ahe ore reroyevɨ iri Moisés porocuaitavrɨve tẽi yuvɨreco viña. Ahese che ndugüer Tito upe, “¡Eyembocircuncida Moisés porocuaita rupi!” ehi yuvɨreco. Esepia, ahe ndahei vahe judío secoi.

Tüpä Ñe'ëngagwer

³ Tito sekoi va'e che rupi a'e griego, ndoyemocircuncidai avei.

Gálatas 2:3 Iomraidhean Croise

Los Hechos 15:24

Oroyandu amove ava ore pãhu pendar pe mañeco tẽi aipo oporombohesa pɨpe yuvɨreco. Ahe ava ndahei ore ocuaita pɨpe yuvɨraso pẽu pe pɨhañemoñeta rerova.

Los Hechos 16:3

Pablo vɨroguata potaño ité Timoteo oyeupi. Sese seroguata renondeve, ombocircuncida uca seroɨ̃roẽhɨ ãgua judío yuvɨrecoi vahe upe. Esepia, opacatu oicua Timoteo ru griego secose yuvɨreco.

2 Corintios 2:13

Nambohe catui rumo che pɨhañemoñetasa. Esepia, ndasepiai eté yande rɨvrɨ Tito. Sese, che, “Avɨye” ahe pare ava Troas pendar upe, asoño ɨvɨ Macedonia rupi.

Gálatas 2:1

Coiye catorce aravɨter pare, Tũpa omboyecua cheu Jerusalén ve che yevɨ ãgua. Evocoiyase aso iri aheve. Ahese oroso Bernabé rese, Tito avei orovɨraso oreyeupi. Aheve yɨpɨndar opacatu Jesús reroyasar rerecuar reseño rane oroñemonuha. Esepia, ndaipotai che rembiapo opɨtara ẽgüe ehi tẽi vaherã. Evocoiyase amombehu co ñehesa poropɨ̃sɨrosa resendar chupe yuvɨreco acoi amombehu vahe ava eta ndahei vahe judío pãhuve.

2 Timoteo 4:10

Esepia, Demas che reya co mbahe ɨvɨ pɨpendar tẽi potasave, ichui tẽi oso tecua Tesalónica ve. Crescente oso tecua Galacia rupi. Iyavei Tito oso Dalmacia ve.

Tito 1:4

Tito, co che ñehe aicuachía ndeu; nde niha che rahɨr ité ereico Jesucristo rese yande recosa pɨpe. Esepia, oyoya yaroya vahe yaico. Yande Ru Tũpa, yande Pɨ̃sɨrosar Jesucristo tombou oporovasasa nde reco tuprɨ ãgua ndeu.