Apocalipsis 9:20 - Tũpa Ñehengagüer

²⁰ Ava rumbɨrer rumo nomanopa vɨtei vahe co mbahe tẽi sui yuvɨreco, nosecuñaroi eté güecocuerai yuvɨreco. Ndopoi potai eté caruguar mboetei aisa sui, iyavei opacatu mbahe rahanga tẽi oro apoprɨ, guarepochi, bronce, ita, anise ɨvɨra apoprɨ mboeteisa sui avei yuvɨreco. Evocoi mbahe apoprɨ rumo ndosarecoi vahe, ndosendui vahe ité mbahe, ndoguatai vahe avei.

Tüpä Ñe'ëngagwer

²⁰ Ava rumbɨrer rumo nomanopa vɨtei va'e ko mba'e tëi sui yuvɨreko, nosekuñaröi ete gwekokwerai yuvɨreko, ndopoi potai ete karugwar mboetei aisa sui, iyavei opakatu mba'e ra'anga tëi oro apoprɨ, gwarepochi, bronce, ita, anise ɨvɨra apoprɨ mboeteisa sui avei yuvɨreko, evokoi mba'e apoprɨ rumo ndosarekoi va'e, ndosendui va'e ite mba'e, ndogwatai va'e avei.

Apocalipsis 9:20 Iomraidhean Croise

San Mateo 21:32

Esepia, Juan Oporoãpiramo vahe ou co tecocuer ihɨ̃vi vahe mboyecua ãgua pẽu pe reco tuprɨ ãgua viña. Pe rumo ndaperoyai eté. Co angaipa viyar iyavei co cuña oyemondo-mondo tẽi vahe ava upe, ahe rumo vɨroya ité yuvɨreco. Yepe pesepia tẽi opacatu evocoi mbahe viña, ipare rumo ndapeñecuñaroi pe recocuerai sui seroya ãgua —ehi mborerecuar guasu yuvɨrecoi vahe upe.

Los Hechos 17:29

Sese yande Tũpa suindar yaicose, ‘Co mbahe rahanga oro apoprɨ iyavei guarepochi, ita apoprɨ, ahe revo Tũpa’ ndayahei chira. Esepia, mbahe rahanga ava rembiapo tẽi, ndahei Tũpa” ehi.

Los Hechos 19:26

“Peicua avei Pablo opa ovɨrova ava eta pɨha Artemisa mboeteisa sui ‘ndahei Tũpa ité’ ohesa pɨpe yande rembiapo uve. Ndahei rumo cohapeño ẽgüe ehi, opacatu Asia rupi ẽgüe ehi avei imombehu.

Los Hechos 7:41

Ipare oyapo uca mbahe rahanga guaca repiaca nungar oyeupe yuvɨreco. Oyuca mbahe mɨmba ahe mbahe rahanga upe vɨropovẽhe vaherã yuvɨreco iyavei oyembovɨha pieta apo yuvɨreco güembiapo ucagüer rese tẽi.

2 Corintios 12:21

Asɨquɨye avei aso irise pe repia, omboura Tũpa pe sui che chĩ ãgua, che mboyaseho uca tiẽtera peye setá pe cueseve peyemboangaipa vahe rese iyavei ndapemboasɨi etese mbahe tẽi, yemboaguasa-guasa tẽisa iyavei que mbahe pe remimbotarai peyapo vahecuer.

1 Timoteo 4:1

Iyavei Espíritu aipo ehi tuprɨ yandeu: coiye, arɨ cañɨ renonde, amove ava oyepepɨra Tũpa rese oyeroyasa sui yuvɨreco. Omboyeroyara espíritu oporombopa tẽi vahe, porombohesa Caruguar suindar avei.

Apocalipsis 15:1

Ipare asepia ɨvave ambuae mbahe mboyecuasa tuvichá vahe poromondɨisa: siete Tũpa rembiguai, siete tuprɨ mbaherasɨ ipa vahe vɨreco vahe, ahe ipá vahe ité Tũpa ñemoɨrosa.

Apocalipsis 16:8

Tũpa rembiguai imoirungatusa, opa oipɨyere mbahe rɨru pɨpendar arɨ rese, ipare arɨ upe imondosa pĩratasa ava rapɨpa ãgua.

Apocalipsis 9:19

Esepia niha, cavayu pĩratasa iyuru rese chini, suguai rese avei no; ahe suguai ndoyavɨi tuprɨ ité mboi ãca, ipɨpe avei ava omomara.

Apocalipsis 9:21

Iyavei noñecuñaro potai eté oporapichisa sui yuvɨreco, opaye aisa sui, que cuña, que cuimbahe ambuae rese angaipa aposa sui, omonda raisa sui avei.