Apocalipsis 8:7 - Tũpa Ñehengagüer

⁷ Yɨpɨndar vahe Tũpa rembiguai omoñehe güemimbɨ, ahese imombosa ɨvɨ harɨ rupi amanda iyavei tata oyeseha vahe tuvɨ rese. Ipare opa ocai ɨvɨ mombosapɨsa yahocuer. Oyoya tuprɨ ɨvɨra mombosapɨsa yahocuer rese iyavei capihi reseve avei opa yuvɨrocai.

Tüpä Ñe'ëngagwer

⁷ Yɨpɨndar va'e mbigwai ɨva pendar omoñe'ë gwemimbɨ, a'ese imombosa ɨvɨ arɨ rupi amanda iyavei tata oyese'a va'e tuvɨ rese. Ipare opa okai ɨvɨ mombosapɨsa ya'okwer, oyoya tuprɨ ɨvɨra mombosapɨsa ya'okwer rese iyavei kapi'i reseve avei opa yuvɨrokai.

Apocalipsis 8:7 Iomraidhean Croise

Santiago 1:11

Evocoiyase acoi arɨ osẽse, sacú iteangase, ahese caha opa ipiru; ipotrɨ avei opa ovɨapi ichui iyavei iporañetesa opa ichui. Ẽgüe ehi aveira ava mbahe yar; omanora oporavɨquɨsa sui.

1 San Pedro 1:24

Esepia, icuachiaprɨ aracahendar pɨpe aipo ehi: “Opacatu ava inungar caha, iyemboeteisa evocoiyase inungar ipotrɨ. Ipare ahe caha opa omano, ipotrɨ avei opa ovɨapi;

Apocalipsis 12:4

Suguai evocoiyase ombotɨrɨrɨ yasɨtata ɨva pendar imombosapɨsa sui ñepei iyahocuer seraso. Ipare opa omombo ɨvɨve. Ahe evocoiyase opɨta osãro cuña imembɨra pota vahe rovai ohã, “Tahupaño voi imembrɨ oha ramoseve” ehi viña.

Apocalipsis 16:2

Yɨpɨndar vahe Tũpa rembiguai opa oipɨyere ɨgua rɨru pɨpendar ɨvɨ harɨ rupi; evocoi opacatu ava vɨreco vahe mbahe ɨpɨ vai rer oyese sahanga mboeteisar tẽi avei, ahe chupe oime setá caracha vai tasɨ vahe.

Apocalipsis 16:21

Iyavei yuvɨrovɨapipa ɨva sui ava harɨve amanda guasu, ahe iposɨigüer cuarenta kilos rutei. Ava rumo iñehe mara-mara tẽiño vɨte ité Tũpa upe yuvɨreco amanda sui tẽi. Esepia niha, evocoi Tũpa poronupasa ɨvaté catu vahe.

Apocalipsis 6:8

Amahe, ipare asepia cavayu iyu rasɨ vahe, ahe ava iharɨ pendar serer Tehõgüer. Ipare saquɨcuei ou vahe oico ahe serer Omano-vahe-recosa. Ahe chupe yuvɨreco imondosa teco pĩratasa ɨvɨ imoirungatusa yahocuer rupi iguata ãgua ava yuca ãgua vavasa pɨpe, tɨeporẽhɨ pɨpe, mbaherasɨ pɨpe, mbahe ɨpɨ pɨpe avei no.

Apocalipsis 7:1

Ipare asepia irungatu tuprɨ Tũpa rembiguai ɨva pendar yuvɨnohai vahe irohɨ cotɨ, norte cotɨ, arɨ sẽsa cotɨ, caharu cotɨ avei no omombɨtuhu tuprɨ vahe irungatu ɨvɨtu yuvɨrecoi vahe ɨvɨ harɨ rupi ipeyuẽhɨ ãgua, que para guasu pɨpe angara viña, que ñepei yepe ɨvɨra ro angara viña no.

Apocalipsis 9:15

Evocoiyase opa yorasa ava mombosapɨsa yahocuer yuca ãgua yuvɨreco. Esepia, evocoi imoingatuprɨ co arɨ rupi tuprɨse nara yuvɨreco.

Apocalipsis 9:4

Icuaisa rumo opacatu capihi mbahe rocrɨ iyavei ɨvɨra momaraẽhɨ ãgua, ẽgüe ehi rumo acoi ava nomboyecuai vahe osɨva rese Tũpa rer, chupe nara ité.