Apocalipsis 7:2 - Tũpa Ñehengagüer

² Ipare asepia avei ambuae Tũpa rembiguai ɨva pendar ou vahe arɨ sẽsa cotɨ sui, ahe vɨreco oyese Tũpa oicove vahe rer mondosa. Ahe niha osapucai pĩratá evocoi irungatu tuprɨ Tũpa rembiguai ɨva pendar yuvɨrecoi vahe upe, oipɨsɨ vahe pĩratasa ɨvɨ, para guasu momara ãgua yuvɨreco, aipo ehi:

Tüpä Ñe'ëngagwer

² Ipare asepia avei ambuae mbigwai ɨva pendar ou va'e arɨ sësa kotɨ sui, a'e vɨreko oyese Tüpä oikove va'e rer mondosa. Ko mbigwai ɨva pendar oñe'ë pirätä ambuae irugätu tuprɨ mbigwai ɨva pendar yuvɨrekoi va'e upe, oipɨsɨ va'e pirätäsa ɨvɨ, paragwasu momarä agwä yuvɨreko:

Apocalipsis 7:2 Iomraidhean Croise

San Mateo 16:16

—Nde niha Tũpa supi eté vahe Rembiporavo imombehuprɨ; Tahɨr ité ereico —ehi Simón Pedro.

San Mateo 26:63

Noñehei eté rumo. Ahese, —Che orocuai Tũpa supi eté vahe rer pɨpe emombehu oreu: ¿Poropɨ̃sɨrosar ité nde ereico, Tũpa Rahɨr? —ehi pahi rerecuar ɨvate catu vahe chupe.

San Juan 6:27

Peporavɨquɨ eme catu tembihu ndasecosei vahe rese; iyacatu rumo peporavɨquɨ tembihu secose vahe rese omondo vahe tecovesa apɨrẽhɨ. Co tembihu che, Ava Rɨquehɨr, amondora pẽu. Esepia, che Ru Tũpa omboyecua ité che ichuindar aicose —ehi.

2 Corintios 1:22

Güerer omondo yande rese ‘cheu nara’ oyapave. Ombou avei oEspíritu yande pɨha pɨpe ‘ipɨpe toicua che remimombehugüer rupi tuprɨ ité mbahe amondora chupe yuvɨreco curi’ oyapave.

Efesios 1:13

Pe avei niha, pesenduse co ñehesa supi eté vahe pɨ̃sɨrosa resendar, Cristo peroya pe pɨha pɨpe sese peico vaherã. Tũpa ombou güemimombehugüer Espíritu Santo pe pɨha pɨpe ‘cheundar ité yuvɨrecoi’ oya.

Efesios 4:30

Peyapoi rene mbahe Espíritu Santo mbovɨhaẽhɨ ãgua. Ahe niha Tũpa ombou yandeu ‘toicua ava co cheundar oipɨsɨra arɨ ipa vahe pɨpe poropɨ̃sɨrosa ñepei reseve vahe yuvɨreco’ oya.

1 Tesalonicenses 1:9

Esepia, ahe avei omombehu yuvɨreco oreu acoi ore so agüer pe pɨri, pe ore pɨsɨ tuprɨ agüer avei. Iyavei omombehu mbahe rahanga sui pe poi agüer Tũpa oicove vahe rupi pe guatasa yuvɨreco, pe chupe nara mbahe apo ãgua avei no.

2 Timoteo 2:19

Tũpa rumo omondo mbahe movɨracua tuprɨ ãgua, sese icuachiasa aipo ehi vahe: “Yande Yar oicua ité oyeupendar ava” ehi, iyavei, “Opacatu yande Yar rer vɨreco vahe, toyepepɨ mbahe naporai vahe sui yuvɨreco yepi” ehi.

Hebreos 12:22

Pe rumo peyemboya ɨva pendar ɨvɨtrɨ Sión ve, Tũpa oicove vahe recuave. Ahe tecua Jerusalén ɨva pendar. Aheve Tũpa rembiguai setá iteanga vahe oñemonuha imboetei ãgua yuvɨreco yepi.

Apocalipsis 1:3

Sorɨvete catura acoi ava oyeroquɨ vahe co Tũpa suindar ñehesa rese, acoi ava oyapɨsaca tuprɨ vahe sese, vɨroya vahe avei icuachiaprɨ pɨpendar yuvɨreco. Esepia, arɨ cañɨ vɨrovɨ ité yandeu.

Apocalipsis 10:1

Ipare asepia ambuae Tũpa rembiguai ɨva pendar ipĩratá vahe ogüeyɨse ɨva sui ou mbahe pɨ̃tu pãhuve; ahe ñaca rese arco iris oyere tuprɨ. Sova sendɨ́ avɨye arɨ, setɨma evocoiyase ndoyavɨi tata rendɨgüer opũha tuprɨ vahe.

Apocalipsis 10:4

Oñehepase, ahese iñehe che aicuachiara viña; asendu rumo ɨva sui ñehesa aipo ehi vahe: “Eremboyecuai rene acoi siete tuprɨ osunu vahe ñehe, ndereicuachiai chietera” ehi cheu.

Apocalipsis 16:12

Tũpa rembiguai imoñepei ovasa oipɨyere mbahe rɨru pɨpendar ɨai guasu Eufrates pɨpe. Ahe evocoiyase opa ipiru perɨ apo ãgua añihivei cotɨ sui mborerecuareta yu ãgua.

Apocalipsis 5:2

Ipare asepia Tũpa rembiguai seco ɨvate vahe, ahe oporandu pĩrata oico aipo ehi: “¿Ava upe vo iya cuachiar mboi ãgua iyavei sello imboyeroyaprɨ mondoro ãgua no?” ehi.

Apocalipsis 8:3

Ipare ou ambuae Tũpa rembiguai ɨva pendar oro itaɨsɨ rapɨsa reseve, iyavei ou ohã itaɨsɨ rapɨsa renda rovai; ipare imondosa tuvichá itaɨsɨ chupe oicuavẽhe vaherã oyoya tuprɨ opacatu ava Tũpa upendar yeruresa rese oro mbahe reropovẽheprɨ renda harɨve; ahe Tũpa renda rovai chini vahe.

Apocalipsis 9:14

Ahe aipo ehi evocoi imoñepei ovasa Tũpa rembiguai upe: “Eyorapa evocoi irungatu Tũpa rembiguai ñapɨchimbrɨ ɨai guasu Eufrates ɨvɨrindar” ehi.

Apocalipsis 9:4

Icuaisa rumo opacatu capihi mbahe rocrɨ iyavei ɨvɨra momaraẽhɨ ãgua, ẽgüe ehi rumo acoi ava nomboyecuai vahe osɨva rese Tũpa rer, chupe nara ité.