Apocalipsis 3:11 - Tũpa Ñehengagüer

¹¹ Ayevɨ poyavara. Peyemovɨracua catu Tũpa reroyasa pereco vahe rese. Evocoiyase ñepei yepe que ava ndovɨrocuai chietera Tũpa suindar porerecosa pe sui.

Tüpä Ñe'ëngagwer

¹¹ Ayevɨ poyavara. Peyemovɨräkwä katu Tüpä reroyasa pereko va'e rese, evokoiyase ñepëi yepe ava ndovɨrokwai chietera Tüpä suindar porerekosa pe sui.

Apocalipsis 3:11 Iomraidhean Croise

1 Corintios 9:25

Iyavei opacatu oyemoingatu vahe oguayɨ ãgua oñearo tuprɨ opacatu mbahe tẽi sui oyemomaraẽhɨ ãgua yuvɨreco. Ahe ẽgüe ehi porerecosa ndipocopɨi vahe pɨsɨ ãgua tẽi yuvɨreco. Yande rumo yayemomborarara porerecosa apɨrẽhɨ vahe pɨsɨ ãgua yaico.

Filipenses 4:5

Pemboyecua catu opacatu ava upe pe reco mbegüesa. Esepia, cõimi yande Yar yevɨ iri ãgua yandeu.

2 Timoteo 2:5

Iyavei iguayɨ rai vahe, ndoipɨsɨi chira porerecosa oguayɨ tuprɨẽhɨ pɨpe.

2 Timoteo 4:8

Cũritei che rãro ɨvave co porerecosa che poravɨquɨ avɨye vahe resendar. Yande Yar mborerecuar seco ɨ̃vi vahe niha omboura cheu ahe arɨ pɨpe. Ndahei chira cheu güeraño. Ombou aveira opacatu Cristo raɨsusa pɨpe iyevɨsa osãro vahe upe yuvɨreco.

Santiago 1:12

Acoi ava oyemovɨracua vahe poroãtoisa upe oyembovɨhara oico. Esepia, osasa tuprɨse evocoi poroãtoisa, oipɨsɨra porerecosa, ahe tecovesa apɨrẽhɨ vahe Tũpa ombou vahe guaɨsupar upe.

Santiago 5:9

Iyavei che rɨvɨreta, peñemoɨroi rene peyeupe. Evocoiyase Tũpa ndoporandui chira co mbahe rese pẽu. Esepia, mborerecuar guasu ɨva pendar oyemoingatu voi ohã yandeu porandu ãgua.

Apocalipsis 1:3

Sorɨvete catura acoi ava oyeroquɨ vahe co Tũpa suindar ñehesa rese, acoi ava oyapɨsaca tuprɨ vahe sese, vɨroya vahe avei icuachiaprɨ pɨpendar yuvɨreco. Esepia, arɨ cañɨ vɨrovɨ ité yandeu.

Apocalipsis 16:15

“Peyapɨsaca tuprɨ che ñehe rese, che avɨyeteramo tẽi ayura imonda rai vahe nungar curi. Sorɨvetera acoi ava imahemoha vahe oyemonde tuprɨ vahe güembiapo avɨye vahe pɨpe. Ahese nochi chietera oico che sui” ehi.

Apocalipsis 2:10

Ndapesɨquɨyei chira pe paraɨsu ãgua sui. Esepia, Caruguar osoquenda ucara amove pe pãhu pendar secoãha ãgua; pe paraɨsu rane itera niha diez arɨ rupi peico. Acoi peyemovɨracua tuprɨse ité chupe, Cristo rese ité amanora, pe hesave, ahese amondora porerecosa tecovesa pẽu.

Apocalipsis 2:13

Che aicua pe recosa. Aheve acoi Caruguar oguapɨ oĩ; mborerecuar guasu nungar imboyeroyaprɨ secoi. Pe rumo peyemovɨracuaño ité chupe che recocuer rese peico. Ndapeseyai eté che rese pe yeroyasa yepe oyuca tẽi che recocuer mombehu tuprɨsar Antipas evocoi tecua Caruguar recosave.

Apocalipsis 2:25

Peyemovɨracuañora rumo evocoi mbahe pereco vahe rese, acoi che ayevɨse voi vitu curi.

Apocalipsis 22:12

“Supi eté ayevɨ poyavara, iyavei arura mbahe porerecosa ñepei-pei ava rembiapogüer rupi-rupi amondo vaherã chupe.

Apocalipsis 22:20

Acoi co mbahe mombehusar aipo ehi: “Supi eté ayevɨ poyavara” ehi. Ẽgüe tehi ayase. ¡Erio, che Yar Jesús!

Apocalipsis 22:7

“¡Ayevɨ poyava voira curi! ¡Sorɨvete catura acoi ava vɨroya vahe ñehesa Tũpa suindar mbahe oime vaherã resendar co cuachiar pɨpe!” ehi.

Apocalipsis 3:3

Peyemomahenduha acoi porombohesa peipɨsɨ vahe rese; pepoi rene ichui. Peyevɨ catu Tũpa upe. Ndapeyemopoaseise rumo, asora pẽu inungar imonda rai vahe, ẽgüe ahera vicho pe resapɨha.

Apocalipsis 4:10

Ẽgüe ehise evocoiyase veinticuatro tuprɨ icuaiprɨ yuvɨrecoi vahe, ahe oñenopɨha imboeteisa pɨpe sovai yuvɨreco. Ipare osequɨi oãca resendar oyere tuprɨ vahe omborerecuasa resendar sovai aipo ehi:

Apocalipsis 4:4

Iyavei asepia evocoi rese oyere tuprɨ ambuae veinticuatro tenda, ahe iharɨve oguapɨ yuvɨnoi veinticuatro avei icuaiprɨ yuvɨrecoi vahe; iturucuar morochí vahe yuvɨreco iyavei oãca rese omboyere tuprɨ oro apoprɨ yuvɨreco.