Apocalipsis 22:9 - Tũpa Ñehengagüer

⁹ Ahe rumo aipo ehiño cheu: “Aní ereñenopɨha che rovai. Esepia niha, che Tũpa rembiguai tẽi aico, nde nungar, nde rɨvɨreta nungar avei evocoi oñehe vahe Tũpa Ñehengagüer rese yuvɨreco, iyavei inungar opacatu vɨroya vahe co cuachiar pɨpendar icuachiaprɨ yuvɨreco no. Tũpa catu pemboetei” ehi.

Tüpä Ñe'ëngagwer

⁹ A'e rumo aipo e'iño cheu: “Ani ereñenopɨ'ä che rovai, esepia ni'ä, che Tüpä rembigwai tëi aiko, nde nungar nde rɨvrɨ eta nungar avei evokoi oñe'ë va'e Tüpä ñe'ëngagwer rese, iyavei inungar opakatu vɨroya va'e ko kwachiar pɨpendar ikwachiaprɨ yuvɨreko no. Tüpä katu emboetei sereko.”

Apocalipsis 22:9 Iomraidhean Croise

San Mateo 4:9

aipo ehi: —Che rovai ereñenopɨhase che mboeteisave, co opacatu mbahe nde rembiepia amondora nde mahera —ehi Caruguar chupe.

San Lucas 4:7

Acoi ereñenopɨhase cheu che mboetei ãgua, ahese opacatu co mbahe ereipɨsɨra nde mahera —ehi tẽi Caruguar chupe.

1 San Juan 5:20

Iyavei yaicua Tũpa Rahɨr ogüeru oaracuasa yandeu Tũpa supi eté vahe cua ãgua iyavei yaico co supi eté vahe rese. Ahe niha Tahɨr Jesucristo, ahe avei Tũpa supi eté vahe iyavei tecovesa apɨrẽhɨ vahe.

Apocalipsis 1:1

Che, Juan, aicuachía mbahe imboavɨye pɨhaivipɨrã pẽu acoi Tũpa omboyecua vahe Guahɨr Jesucristo upe ‘tomboyecua ovɨroyasar yuvɨrecoi vahe upe’ oyapave. Ahe niha Jesucristo oicua uca Vu rembiguai pɨpe imboyecua uca ãgua güembiguai che recose cheu.

Apocalipsis 1:11

aipo ehi: “Eicuachía mbahe eresepia vahe. Ipare emondopa siete tecua pendar che reroyasar ɨvɨ Asia rupindar upe: Efeso ve, Esmirna ve, Pérgamo ve, Tiatira ve, Sardis ve, Filadelfia ve, ipa Laodicea ve” ehi cheu.

Apocalipsis 14:7

Ipare oñehe pĩrata aipo ehi: “Pesɨquɨye Tũpa sui iyavei pesapucai seco ɨvatesa rese chupe no. Esepia niha, cũritei oyepota arɨ chupe ava recocuer rese iporandu ãgua. Pemboetei catu oyapo vahecuer ɨva, ɨvɨ, para guasu, ɨ ohẽ vahe avei no” ehi.

Apocalipsis 15:4

“Yar, nde sui opacatu ité osɨquɨyera yuvɨreco nde mboetei ãgua. Nde güeraño ité ereico seco maranehɨ vahe, opara yugüeru opacatu ambuae tecua rupindar iyavei nde mboeteira yuvɨreco. Esepia niha, sepiasa nde rembiapo supi tuprɨ vahe” ehi.

Apocalipsis 19:10

Ipare añenopɨha Tũpa rembiguai rovai imboetei ãgua. Ahe rumo aipo ehiño cheu: “Ẽgüe erei rene. Esepia, che Tũpa rembiguai tẽi aico nde nungar iyavei nde rɨvɨreta nungar oguata vahe Jesús ñehengagüer rupi. Emboetei Tũpa” ehi. Esepia niha, evocoi Jesús recocuer mombehusar moñehe ucasar, ahe niha acoi omombehu uca vahe Tũpa ñehe mombehusar upe.

Apocalipsis 22:10

Aipo ehi avei cheu no: “Ereicuacui rene co ñehesa Tũpa suindar mbahe oime vaherã resendar sereco, evocoi icuachiaprɨ cuachiar pɨpe. Esepia niha, arɨ cõimi secoi imboavɨye ãgua.

Apocalipsis 22:18

Opacatu acoi ava osendu vahe co ñehesa Tũpa suindar mbahe oime vaherã resendar icuachiaprɨ co cuachiar pɨpe yuvɨreco, ahe chupe, “Peicua catu” ahe. Amove que ava co mbahe resendar omboyeapɨ iri vahe, ahe chupe Tũpa omboyeapɨ aveira co cuachiar pɨpendar mbahe-mbahe tẽi imombehuprɨ.

Apocalipsis 22:7

“¡Ayevɨ poyava voira curi! ¡Sorɨvete catura acoi ava vɨroya vahe ñehesa Tũpa suindar mbahe oime vaherã resendar co cuachiar pɨpe!” ehi.

Apocalipsis 4:10

Ẽgüe ehise evocoiyase veinticuatro tuprɨ icuaiprɨ yuvɨrecoi vahe, ahe oñenopɨha imboeteisa pɨpe sovai yuvɨreco. Ipare osequɨi oãca resendar oyere tuprɨ vahe omborerecuasa resendar sovai aipo ehi:

Apocalipsis 9:20

Ava rumbɨrer rumo nomanopa vɨtei vahe co mbahe tẽi sui yuvɨreco, nosecuñaroi eté güecocuerai yuvɨreco. Ndopoi potai eté caruguar mboetei aisa sui, iyavei opacatu mbahe rahanga tẽi oro apoprɨ, guarepochi, bronce, ita, anise ɨvɨra apoprɨ mboeteisa sui avei yuvɨreco. Evocoi mbahe apoprɨ rumo ndosarecoi vahe, ndosendui vahe ité mbahe, ndoguatai vahe avei.