Apocalipsis 21:18 - Tũpa Ñehengagüer

¹⁸ Tecua ãchisa ahe ita porañete vahe Jaspe serer vahe apoprɨ; tecua evocoiyase oro pãve tuprɨ, avɨye vidrio secose catu vahe.

Tüpä Ñe'ëngagwer

¹⁸ Tekwa ächisa ita porañete va'e Jaspe serer va'e apoprɨ, tekwa evokoiyase oro päve tuprɨ, avɨye yepiasa sekose katu va'e.

Apocalipsis 21:18 Iomraidhean Croise

Apocalipsis 21:11

Ahe tecua sendɨ́ iteanga Tũpa rendɨgüer pɨpe. Sendɨgüer evocoiyase oyoya tuprɨ ita iporañete vahe rese, oyoya avei ita jaspe serer vahe ipĩrerimi vahe rese.

Apocalipsis 21:19

Ñachisa movɨracuasa vɨreco opacatu ambuae ita-ita tẽi iporañete vahe pãve: yɨpɨndar ivɨ̃racuasa jaspe, imoñuvɨriosa zafiro, imombosapɨsa ágata; imoirungatusa esmeralda;

Apocalipsis 21:21

Doce tuprɨ vahe oquenda guasu ahe doce tuprɨ mbohɨr; ñepei-pei oquenda ñepei mbohɨr sui yapoprɨ. Calle guasu tecua avɨter rupindar evocoiyase oro pãve, inungar vidrio yande porẽhɨ tuprɨ vahe ipɨpe.

Apocalipsis 4:6

Evocoi tenda rovai oime avei ndoyavɨi tuprɨ para guasu tɨ̃pɨu vahe oyecua tuprɨ vahe mbahe ipɨpe. Ambuae tenda pãhu rupi oyere tuprɨ Tũpa renda rese irungatu ɨva pendar yuvɨrecove vahe, ahe sesa oyere tuprɨ vahe sese, ahe osareco tuprɨ vahe güenonera, guaquɨcuei cotɨ avei no.