Apocalipsis 21:12 - Tũpa Ñehengagüer

¹² Oyerepa tuprɨ tecua guasu rese ñachisa tuvichá vahe, ɨvaté iteanga iyavei vɨreco doce oquenda guasu. Evocoiyase ñepei-pei Tũpa rembiguai oquenda yacatu; iyavei Israel suindar doce tuprɨ vahe serer icuachiasa oquenda yacatu rese.

Tüpä Ñe'ëngagwer

¹² Oime avei tekwa gwasu rese ñachisa ɨvate iteanga va'e, iyavei vɨreko opayandepo yovaive ñuvɨrïo tuprɨ okenda gwasu, evokoiyase oime ñepëi-pëi mbigwai ɨva pendar okenda yakatu; iyavei Israel suindar opayandepo yovaive ñuvɨrïo tuprɨ va'e serer ikwachiasa okenda rese.

Apocalipsis 21:12 Iomraidhean Croise

San Mateo 18:10

“Peroɨ̃roi rene que ñepei chĩhivahemi che reroyasar. Esepia, ɨvave sembiguai che Ru pɨrindar ité yuvɨrecoi yepi” ehi.

San Lucas 15:10

Supi eté ẽgüe ehi aveira oime torɨvetesa Tũpa rembiguai ɨva pendar rehɨi upe que ñepei ava yangaipa guasu vahe oñecuñarose güecocuerai sui” ehi.

San Lucas 16:22

Omanose co mbɨa iparaɨsu vahe, ahese Tũpa rembiguai eta ovɨraso yuvɨreco Abraham pɨri ɨvave. Mbahe yar avei omano, opa oñotɨ yuvɨreco.

Los Hechos 26:7

“Doce ore ramoi suindar opacatu judío yuvɨrecoi, osãro vɨte evocoi Tũpa remimombehugüer avɨye vahe yuvɨreco. Sese yuvɨroique tũparove arɨ, pɨ̃tu pɨpe avei Tũpa mboetei ãgua yuvɨreco. Ore rerecuar Agripa, eyapɨsaca tuprɨ che ñehe rese. Evocoi Tũpa remimombehugüer reroyasa sui judío eta semira-mira tẽi che amotarẽhɨsave che rese yuvɨreco” ehi.

Hebreos 1:14

Esepia, opacatu Tũpa rembiguai espíritu yuvɨrecoi chupe oporavɨquɨ ãgua, icuaiprɨ avei ava ipɨ̃sɨropɨrã pɨ̃tɨvɨi ãgua.

Apocalipsis 21:13

Vɨreco niha mbosapɨ oquenda añihivei cotɨ, mbosapɨ norte cotɨ, mbosapɨ irohɨ cotɨ iyavei mbosapɨ caharu cotɨ no.

Apocalipsis 21:15

Evocoi Tũpa rembiguai oñehe vahe cheu vɨreco vara oro apoprɨ tecua rãha ãgua, opacatu soquendɨpɨ rãha ãgua, ñachisa rãha ãgua avei no.

Apocalipsis 21:25

Evocoiyase soquendɨpɨ nimboyasai chietera arɨ yacatu rupi. Pɨ̃tu ndipoi chiaveira aheve.

Apocalipsis 22:14

“Sorɨvete catura acoi ava omoatɨro vahe güecocuer. Esepia, ahe oipɨsɨra ɨvɨra ha tecovesa apɨrẽhɨ vahe resendar. Ipɨpe sui oiquera tecua guasu pɨpe.