Apocalipsis 20:8 - Tũpa Ñehengagüer

⁸ Ichui osẽra opacatú ava ɨvɨ pɨpendar mbopa-mbopa tẽi oico; osẽra ɨvɨ Gog mbopa tẽi ãgua, ɨvɨ Magog mbopa tẽi ãgua avei. Ipare omonuhara vavasave nara isundao eta. Esepia niha, ahe sehɨi eteprɨ yuvɨreco inungar ɨvɨ cuhi para guasu popɨ rupindar.

Tüpä Ñe'ëngagwer

⁸ ichui osëra opakatu ava ɨvɨ pɨpendar mbopa-mbopa tëi agwä oiko; osëra ɨvɨ Gog mbopa tëi agwä, ɨvɨ Magog mbopa tëi agwä avei, ipare omonu'ära vavasave narä isundao eta, esepia ni'ä a'e se'ɨi eteprɨ yuvɨreko inungar ɨvɨ ku'i paragwasu popɨ rupindar.

Apocalipsis 20:8 Iomraidhean Croise

Hebreos 11:12

Evocoiyase yepe Abraham ocuacuami viña, vɨreco rumo guahɨr. Ahe ichuindar sehɨi eteanga coiye inungar yasɨtata iyavei inungar ɨvɨ cuhi para guasu popɨ rupindar ndayaipapa catui vahe ité.

Apocalipsis 12:9

Ẽgüe ehi imboyepepɨsa mbahe ɨpɨ oporomocañɨ vahe reco pĩratasa sembiguai eta reseve; opa imombosa ɨvɨ pɨpe yuvɨreco. Evocoi mboi vai, “Caruguar” ehi vahe yuvɨreco chupe; “Satanás” ehi avei yuvɨreco chupe. Evocoi niha ava ombopa-mbopa tẽi vahe opacatu ɨvɨ pɨpe yuvɨreco.

Apocalipsis 16:14

Co Caruguar suindar yuvɨrecoi, ahe oyapo poromondɨisa mbahe mboyecuasa yuvɨreco. Ipare opa yuvɨnose opacatu ɨvɨ rupi mborerecuareta monuha ãgua vavasave nara, acoi arɨ cañɨ pɨpe Tũpa mbahe mboavaisarẽhɨ amotarẽhɨsave.

Apocalipsis 20:10

Caruguar evocoiyase, ava mbopa-mbopa tẽisar, ahe opa imombosa ɨpa azufre ocai vahe pɨpe. Aheve acoi opa imombosa mbahe ɨpɨ vai iyavei Tũpa ñehe mombehusar angahu tẽi vahe avei no. Aheve iparaɨsura pɨ̃tu, arɨ yuvɨreco apɨrẽhɨ vaherã.

Apocalipsis 20:3

Ahese omombo ɨvɨcuar guasu ipɨcucu vahe pɨpe. Aheve osoquenda. Omondo sello soquenda rese opacatu ambuae-ae tecua rupindar mbopa-mbopa tẽi iriẽhɨ ãgua rese acoi osupitɨse voi mil aravɨter. Coiye rumo mil aravɨter pare, imosesa raimi tẽira.

Apocalipsis 7:1

Ipare asepia irungatu tuprɨ Tũpa rembiguai ɨva pendar yuvɨnohai vahe irohɨ cotɨ, norte cotɨ, arɨ sẽsa cotɨ, caharu cotɨ avei no omombɨtuhu tuprɨ vahe irungatu ɨvɨtu yuvɨrecoi vahe ɨvɨ harɨ rupi ipeyuẽhɨ ãgua, que para guasu pɨpe angara viña, que ñepei yepe ɨvɨra ro angara viña no.