Apocalipsis 20:12 - Tũpa Ñehengagüer

¹² Ipare asepia omano vahecuer seco ɨvate vahe, seco mbegüemi vahe avei no opũha yuvɨnoha Tũpa rovai; ahese cuachiar opa ipɨpirasa yuvɨreco, iyavei ambuae cuachiar. Ahe cuachiar tecovesa resendar. Omano vahecuer upe evocoiyase porandusa evocoi cuachiar pɨpendar mbahe sembiapogüer rese.

Tüpä Ñe'ëngagwer

¹² Ipare asepia omano va'ekwer seko ɨvate va'e, seko mbegwemi va'e aveino opü'a yuvɨno'ä Tüpä rovai; a'ese kwachiar opa ipɨpirasa, iyavei ambuae kwachiar, a'e kwachiar tekovesa resendar. Omano va'ekwer upe evokoiyase porandusa evokoi kwachiar pɨpendar mba'e sembiapokwer rese.

Apocalipsis 20:12 Iomraidhean Croise

San Mateo 11:22

Pe rumo peipɨsɨra ɨvate catu vahe Tũpa ñemoɨrosa ava Tiro, Sidón pendar sui arɨ cañɨ pɨpe coiye.

San Mateo 16:27

Esepia che, Ava Rɨquehɨr, ayevɨra che Ru reco pĩratasa pɨpe che rembiguai ɨva pendar reseve curi. Che evocoiyase aicuara ñepei-pei ava rembiapo agüer rupi chupe.

San Lucas 10:20

Peyembovɨharetei rene caruguareta pe mboyeroyase. Iya rumo peyembovɨha pe rer ɨva pendar icuachiaprɨ rese —ehi güemimbohe eta upe.

Los Hechos 24:15

Inungar co mbɨa, ẽgüe ahe tuprɨ avei aicua Tũpa ombogüerayevɨra ava omano vahecuer seco avɨye vahe, ndaseco põrai vahe avei coiye.

Romanos 2:6

Ahese opara omboepɨ ñepei-pei yande rembiapogüer rupi yandeu.

1 Corintios 4:5

Sese pe, “Ahe ava recocuer avɨye ai”; anise, “Ahe ava recocuer naporai vahe” ndapeye voi tẽi chira. Pesãro ranera rumo yande Yar yevɨ ãgua. Ahe niha omboyecuara opacatu mbahe ndoyecuai vahe, iyavei omboyecuapara ñepei-pei yande pɨhañemoñetasa. Ipare aipo ehira yandeu: “Avɨye, nde eremboavɨye tuprɨ nde cuaita” ehira; anise, “Nderemboavɨyei nde cuaita” ehira ñepei-pei yandeu.

2 Corintios 5:10

Esepia, yande opacatu yañecuavẽhera Cristo rovai iporandusave yaipɨsɨ vaherã ñepei-pei mbahe yande rembiapocuer rupi mbahe avɨye vahe, anise que mbahe naporai vahe yande rete rese yaico vɨtese.

Filipenses 4:3

Nde niha che pɨ̃tɨvɨi tuprɨ vahecuer che poravɨquɨsa rese eve. Eipɨ̃tɨvɨi evocoi cuña. Esepia, ahe niha oyembopɨhavɨ̃racua ité che pɨ̃tɨvɨise Tũpa Ñehengagüer pɨ̃sɨrosa resendar mombehu ãgua yuvɨreco cuese. Oyoya Clemente rese iyavei ambuae oporavɨquɨ vahe rese che rupi yuvɨreco. Ahe serer opa icuachiaprɨ yuvɨreco Tũpa cuachiar tecovesa apɨrẽhɨ vahe resendar pɨpe.

Apocalipsis 11:18

Ambuae tecua rehɨi pendar nde amotarẽhɨ́ ité yuvɨreco. Nde ñemoɨrosa rumo cũritei oyepota, iyavei nde porandusa oime voira ava omano vahe upe. Iyavei eremondora mbahe porerecosa nde rembiguai eta nde ñehe mombehusar upe, ndeundar seco catuprɨ vahe upe, iyavei acoi nde rer mboeteisar upe no, que seco ɨvate vahe upe, que seco ɨvɨ cotɨ catu vahe upe avei no; iyavei eremocañɨra co ɨvɨ pɨpe mbahe tẽi rerusar” ehi yuvɨreco.

Apocalipsis 13:8

Ipare omboetei ai sereco yuvɨreco opacatu ava ɨvɨ pɨpendar acoi ɨvɨ apoẽhɨ suive ndovɨrecoi vahe güerer Ovesami cuachiar tecovesa resendar pɨpe, ahe niha acoi yucapɨrer.

Apocalipsis 17:8

“Acoi mbahe ɨpɨ vai eresepia vahe ahe yɨpɨve secoi vahe, cũritei rumo ndipo iri; osẽra rumo ɨvɨcuar guasu ipɨcucu vahe sui omano ãgua renonde curi. Acoi ava ɨvɨ pɨpendar ndovɨrecoi vahe güerer cuachiar tecovesa resendar pɨpe yuvɨreco yɨpɨve ɨvɨ apoẽhɨseve, ahe ndovɨhai chira yuvɨreco osepiase evocoi mbahe ɨpɨ vai yɨpɨve oicove vahe viña, ndoicove iri rumo, oyevɨ irira curi.

Apocalipsis 19:5

Evocoiyase Tũpa renda sui tuprɨ oyeendu ñehesa aipo ehi vahe: “¡Pemboetei yande Ru Tũpa opacatu peroya vahe, que seco ɨvɨ cotɨ catumi vahe, que seco ɨvate vahe avei, pe pesɨquɨye vahe imboyeroya ãgua!” ehi.

Apocalipsis 2:23

Ipare ayucapara imembrɨ ichui. Ẽgüe ehi opacatu che reroyasar oicuara yuvɨreco che aicua tuprɨ ité opacatu ava pɨhañemoñetasa iyavei ñepei-pei pe yacatu amondora pe rembiapogüer reprɨ pẽu.

Apocalipsis 20:11

Evocoiyase asepia tenda imboeteiprɨ, morochi vahe. Iharɨve oime ava oguapɨ vahe oĩ. Sovai ɨvɨ iyavei ɨva opa ocañɨ tuprɨ tẽi. Ndoyecua iri eté co cotɨ rupi yuvɨreco.

Apocalipsis 20:13

Omano vahecuer opa yuvɨnose para guasu pɨpe sui, iyavei tehõgüer recosa sui opa yuvɨnose; ichui opacatú mbahe sembiapogüer rese porandusa yuvɨreco chupe no.

Apocalipsis 20:15

Aheve opa imondosa acoi ndovɨrecoi vahe güerer icuachiaprɨ cuachiar tecovesa resendar pɨpe.

Apocalipsis 21:27

ava angaipa viyar rumo, Tũpa remimbotarẽhɨ oyapo vahe, iporombopa serai vahe, ahe ndoyuvɨroiquei chietera aheve. Ẽgüe ehi rumo acoi ava vɨreco vahe güerer icuachiaprɨ Ovesami cuachiar tecovesa resendar pɨpe yuvɨreco, ahe güeraño yuvɨroiquera aheve.

Apocalipsis 22:12

“Supi eté ayevɨ poyavara, iyavei arura mbahe porerecosa ñepei-pei ava rembiapogüer rupi-rupi amondo vaherã chupe.

Apocalipsis 3:5

Acoi ava oyemovɨracua vahe mbahe-mbahe tẽi apoẽhɨ ãgua, ahe sese imondesara turucuar morochi vahe. Ahe serer namboyehoi chira cuachiar tecovesa resendar pɨpe sui, asenoira rumo che Ru rovai iyavei sembiguai eta rovaque avei curi.