Apocalipsis 2:21 - Tũpa Ñehengagüer

²¹ Che amondo vɨte tẽi arɨ chupe, tomboasɨ oangaipa Tũpa upe oyevɨ ãgua, che yapave viña. Ahe rumo ndopoi potai eté oyemboaguasa tẽisa sui.

Tüpä Ñe'ëngagwer

²¹ Che amondo vɨte tëi arɨ chupe, tomboasɨ oangaipa Tüpä upe oyevɨ agwä che yapave viña; a'e kuña rumo ndopoi potai ete oyemboagwasa tëisa sui.

Apocalipsis 2:21 Iomraidhean Croise

Romanos 9:22

Tũpa rumo oñemosa pare iya ité oñemoɨrora, opĩratasa mboyecua ãgua ocañɨ tẽi vaherã upe.

1 San Pedro 3:20

Ahe ava Noé recosendar ndiporeroyai vahe yuvɨreco aracahe. Tũpa osãro güeco mbegüesa pɨpe secocuer moingatu ãgua viña Noé oyapo vɨteseve arca oico. Ahe ipɨpe oñepɨsɨro ochomi tẽi yuvɨreco amarusu sui.

2 San Pedro 3:15

Tapeicua co: yande Yar seco mbegüe yandeu yande pɨ̃sɨro ãgua. Ẽgüe ehi avei yande rembiaɨsu Pablo icuachía oyeupe Tũpa ombou vahe mbahecuasa pɨpe pẽu.

2 San Pedro 3:9

Esepia, yande Yar ndiaracahei eté oñehe mboavɨye ãgua; inungar amove ava, “Iharacahe tẽi” ehi yuvɨreco viña. Ahe rumo avɨye eteprɨ güeco mbegüesa pɨpe yandeu. Esepia, ndoipotai que ñepei yepe yande cañɨ tẽi ãgua; ahe rumo oipota opacatú tuprɨ ité yande recocuer ñecuñaro ãgua.

Apocalipsis 16:11

ndopoiño ité rumo mbahe-mbahe tẽi aposa sui yuvɨreco, ahe rumo iñehe mara-mara tẽiño Tũpa ɨvate vahe rese oyeupe mbahe tasɨ vahe pãhuve yuvɨreco.

Apocalipsis 16:9

Ipare opacatu ité ava yuvɨrocaipa tuprɨ; ndoyevɨi eté rumo Tũpa upe iyavei nomboeteiño ité yuvɨreco. Ẽgüe ehi rumo iñehe mara-mara tẽiño mbaherasɨ rerecose Tũpa upe yuvɨreco.