Apocalipsis 19:18 - Tũpa Ñehengagüer

¹⁸ pehu co mborerecuareta roho, sundao eta rerecuar roho iyavei ava oico eté vahe roho, cavayu roho, iharɨ pendar roho avei, opacatu ava roho ava nimañecosai vahe roho, mbiguai roho, seco ɨvɨ cotɨ catumi vahe roho, seco ɨvate vahe roho avei!” ehi.

Tüpä Ñe'ëngagwer

¹⁸ pe'u ko mborerekwareta ɨvate katu va'e ro'o, sundao eta rerekwar ro'o iyavei ava oikoete va'e ro'o, kavayu ro'o, i'arɨ pendar ro'o avei, opakatu ava ro'o ava nimañekosai va'e ro'o, mbigwai ro'o, seko ɨvɨ kotɨ katumi va'e ro'o, seko ɨvate va'e ro'o avei!”

Apocalipsis 19:18 Iomraidhean Croise

San Mateo 24:28

Esepia, mbahe rehõgüer reimesave, uruvu oñemonuha atɨ yuvɨreco yepi” ehi güemimbohe eta upe.

San Lucas 17:37

Aipo ñehesa renduse, oporandu yuvɨreco chupe: —Ore Yar, ¿que vo aipo ẽgüe ehira mbahe curi? —ehi. Ahe evocoiyase, —Mbahe rehõgüer reimesave uruvu oñemonuha atɨra yuvɨreco —ehi güemimbohe eta upe.

Apocalipsis 11:18

Ambuae tecua rehɨi pendar nde amotarẽhɨ́ ité yuvɨreco. Nde ñemoɨrosa rumo cũritei oyepota, iyavei nde porandusa oime voira ava omano vahe upe. Iyavei eremondora mbahe porerecosa nde rembiguai eta nde ñehe mombehusar upe, ndeundar seco catuprɨ vahe upe, iyavei acoi nde rer mboeteisar upe no, que seco ɨvate vahe upe, que seco ɨvɨ cotɨ catu vahe upe avei no; iyavei eremocañɨra co ɨvɨ pɨpe mbahe tẽi rerusar” ehi yuvɨreco.

Apocalipsis 13:16

Ipare ava opacatu yuvɨrecove vahe upe, seco mbegüemi vahe upe, seco ɨvate vahe upe avei, que mbahe yar upe, que iparaɨsu vahe upe, ava nimañecoprɨi vahe upe, mbiguai tẽi upe, ahe chupe, “Toyecuachía opo oacato cotɨndarve yuvɨreco, anise osɨvave” ehi.

Apocalipsis 17:16

Evocoi eresepia diez tuprɨ vahe sãchi mbahe ɨpɨ vai rese, ahe ndoyambotai chira cuña yaguasa-guasa tẽi vahe; iyavei osequɨi tuprɨra seya; ohupara soho, ipare opara osapɨ.

Apocalipsis 19:5

Evocoiyase Tũpa renda sui tuprɨ oyeendu ñehesa aipo ehi vahe: “¡Pemboetei yande Ru Tũpa opacatu peroya vahe, que seco ɨvɨ cotɨ catumi vahe, que seco ɨvate vahe avei, pe pesɨquɨye vahe imboyeroya ãgua!” ehi.

Apocalipsis 6:15

Mborerecuareta avei co ɨvɨ pɨpendar yuvɨrecoi vahe opa tẽi oñemi mbahecuar pɨpe yuvɨreco, ita guasu pãhu rupi avei yuvɨreco no, oyoya guasu seco ɨvate vahe, sundao rerecuareta, mbahe yar seco pĩratá vahe, iyavei opacatú tuprɨ mbiguai eta, ava ndahei vahe mbiguai avei;