Apocalipsis 19:15 - Tũpa Ñehengagüer

¹⁵ Iyuru pɨpe sui osẽ quɨse pucu saimbe vahe opacatu ambuae-ae tecua rupindar momara ãgua. Ahe oyocuaira oamotarẽhɨsar guarepochi apoprɨ opo pendar pɨpe. Iyavei osecoãhara inungar uva opɨve otɨamɨi vahe yuvɨreco iyavei omboɨhura evocoi uva rɨcuer paraɨsu catusa resendar pɨpe. Ahese Tũpa mbahemboavaisarẽhɨ oñemoɨro itera chupe.

Tüpä Ñe'ëngagwer

¹⁵ Iyuru pɨpe sui osë kɨse puku saimbe va'e opakatu ambuae-ae tekwa rupindar momarä agwä. A'e oyokwaira oamotare'ɨ̇sar gwarepochi apoprɨ opo pendar pɨpe. Iyavei osekoa'ära inungar uva opɨve otɨavɨi va'e yuvɨreko iyavei omboɨ'ura evokoi uva rɨkwer paraɨsu katusa resendar pɨpe. A'ese Tüpä mba'emboavaisare'ɨ̇ oñemoɨrö itera chupe.

Apocalipsis 19:15 Iomraidhean Croise

2 Tesalonicenses 2:8

ahese voi oyemboyecuara acoi ava yangaipa guasu vahe. Yande Yar Jesús rumo oyucara oñehe pɨpe, omocañɨ itera güendɨgüer pĩratasa pɨpe oyevɨse curi.

Apocalipsis 1:16

Oacato cotɨ vɨreco siete tuprɨ yasɨtata, iyavei iyuru sui osẽ quɨse pucu saimbe yoya vahe. Sova evocoiyase avɨye arɨ rendɨgüer ipĩratá vahe.

Apocalipsis 12:5

Ipare co cuña membrɨ oha cuimbahemi, ahe mborerecuar vɨrecora mbococa guarepochi apoprɨ, ipĩrata catu vahe secoira opacatu ava ɨvɨ rupindar upe. Ichui serocuasa voi serasosa Tũpa rovai.

Apocalipsis 14:10

oipɨsɨ itera Tũpa ñemoɨrosa ipĩrata vahe ité; ipare omombaraɨsura setecuer azufre ocai vahe pɨpe güembiguai ɨva pendareta reco maranehɨ rovaque, Ovesami rovaque avei no.

Apocalipsis 19:21

Ambuae evocoiyase evocoi cavayu morochi vahe harɨ pendar yuru pɨpe sui osẽ vahe quɨse pucu pɨpe opa omano yuvɨreco. Evocoiyase opacatu vɨ̃rai mbahe rohoguar opa soho pɨpe oyemohɨtaro yuvɨreco.

Apocalipsis 2:12

“Eicuachía avei Tũpa rembiguai Pérgamo pendar che reroyasareta rãrosar upe: ‘Aipo ehi acoi vɨreco vahe quɨse pucu saimbe yoya vahe:

Apocalipsis 2:16

Sese pemboasɨ pe recocuerai, peyevɨ Tũpa upe, anise che aso poyava voira pẽu, ahese avavara chupe yuvɨreco che yuru pɨpe sui osẽ vahe quɨse pucu pɨpe, ehi.

Apocalipsis 2:27

inungar che Ru ombou che mborerecuarã cheu; ẽgüe ehi aveira oporocuai opacatu tecua rupi inungar acoi vara guarepochi, mbahe rɨapɨipa uca ãgua, avɨyera acoi mahemoinda ñaɨhu apoprɨ viña.