Apocalipsis 18:8 - Tũpa Ñehengagüer

⁸ Sese niha avɨyeteramo tẽi oura mbaherasɨsa chupe: paraɨsusa, tɨeporẽhɨ, manosa; ipare sapɨsara. Esepia niha, yande Yar Tũpa mbahe mboavaisarẽhɨ secoi, ahe, ‘Tomano’ ehi chupe” ehi.

Tüpä Ñe'ëngagwer

⁸ Sese ni'ä avɨyeteramo tëi oura mba'erasɨsa chupe:paraɨsusa, tɨepore'ɨ̇ iyavei manosa;ipare sapɨsara tata pɨpe;esepia ni'ä, yande Yar Tüpä mba'e mboavaisare'ɨ̇ sekoi, omondo manosa pɨpe.”

Apocalipsis 18:8 Iomraidhean Croise

1 Corintios 10:22

¿Yasecara pĩha yande ae yande Yar ñemoɨro ãgua yandeyeupe? ¡Yande rumo ndahei chira ipĩrata catu vahe yaico ichui!

Apocalipsis 11:17

aipo ehi: “Avɨye ndeu ore Yar, Tũpa mbahe mboavaisarẽhɨ, nde acoi yɨpɨsuive vahe ité, ereicoveño avei cũritei. Esepia, nde pĩratasa tuvichá vahe pɨpe ereporocuai eico.

Apocalipsis 17:16

Evocoi eresepia diez tuprɨ vahe sãchi mbahe ɨpɨ vai rese, ahe ndoyambotai chira cuña yaguasa-guasa tẽi vahe; iyavei osequɨi tuprɨra seya; ohupara soho, ipare opara osapɨ.

Apocalipsis 17:18

Iyavei evocoi cuña yaguasa-guasa tẽi vahe eresepia vahe, evocoi niha tecua guasu ɨvɨ pɨpendar mborerecuareta vɨreco vahe opovrɨve yepi” ehi Tũpa rembiguai cheu.

Apocalipsis 18:17

¡Avɨyeteramo tẽi rumo opa ocañɨ imbahe eta ichui!” ehi. Evocoiyase opacatu ava carite guasu pɨpendar rerecuar, ava ɨmbehɨ ɨvɨrindar carite guasu reroguatasar, ɨ rupi oporavɨquɨ vahe oyeupe nara mbahe rereco ãgua, ahe opaño opɨta amombrɨve yuvɨreco ichui

Apocalipsis 18:19

Ipare imboasɨpave omondo ɨvɨ cuhi oãcave yuvɨreco, oyaseho iyavei ndoyembovɨhai tẽi, ipare osapucai tẽi yuvɨreco aipo ehi: “¡Too! ¡Iparaɨsu catu tecua guasu pendar! Esepia niha, evocoi tecua guasu mbahe eta pɨpe sui ava ɨ rupi oporavɨquɨ vahe oyemombahe yar yuvɨreco viña. ¡Avɨyeteramo tẽi rumo opa ocañɨ!” ehi.

Apocalipsis 19:3

Ipare aipo ehi iri yuvɨreco no: “¡Imboeteiprɨ yande Yar tasecoi! Esepia niha, evocoi tecua rãtachi ndopai chietera” ehi.