Apocalipsis 18:15 - Tũpa Ñehengagüer

¹⁵ Evocoiyase evocoi mbahe mboepɨsareta oyemombahe eta vahecuer co mbahe rese tecua guasu sui, ahe opɨtañora amombrɨve osɨquɨyepave iparaɨsusa repiase yuvɨreco. Oyaseho tẽira iyavei ndoyembovɨhai tẽi chira yuvɨreco no,

Tüpä Ñe'ëngagwer

¹⁵ Evokoi mba'e mboepɨsareta oyemomba'e eta va'ekwer ko mba'e rese tekwa gwasu sui, a'e opɨtañora amombrɨve osɨkɨyepave iparaɨsusa repiase yuvɨreko, oyase'o tëira iyavei ndoyembovɨ'ai tëi chira yuvɨreko no,

Apocalipsis 18:15 Iomraidhean Croise

Apocalipsis 18:3

Esepia niha, opacatu ambuae ɨvɨ rupindar inungar osavaɨpo vahe ndopoi potai eté yemboaguasasa sui, evocoiyase mborerecuareta ɨvɨ pɨpendar oyapo mbahe tẽi yuvɨreco sese, iyavei mbahe mboepɨsar ɨvɨ pɨpendar oyemombahe eta imbahe porañete ai vahe pota raisa pɨpe sui yuvɨreco” ehi.

Los Hechos 16:19

Evocoiyase cuñatai rerecuar oyanduse, “Ndoipɨsɨ uca iri chira guarepochi yandeu” ehi yuvɨreco. Imboasɨpave oipɨsɨ Pablo, Silas mborerecuar upe ocarusuve seraso yuvɨreco.

San Marcos 11:17

Ipare oporombohe aipo ehi: —Icuachiaprɨ aracahendar pɨpe aipo ehi: ‘Co che rẽta yeruresa rẽtarã opacatu ava ɨvɨ pɨpendar uve nara’ ehi. Pe rumo imonda rai vahe rẽta nungar tẽi pereco —ehi.

Apocalipsis 18:12

co opacatu mbahe sepɨ vaherã ahe: oro, guarepochi, ita iporañete ai vahe, mbohɨr sendɨ vahe, turucuar secose vahe, turucuar sendɨ vahe, iyavei pĩraumbɨ vahe, pĩra vahe no; iyavei opacatu-catu tẽi ɨvɨrape sɨ̃acua vahe; mbahe-mbahemi marfil apoprɨ, ɨvɨra icatuprɨ vahe apoprɨ, bronce apoprɨ, guarepochi apoprɨ, mármol avei;

Apocalipsis 18:13

mbahe serocuaprɨ yahu vahe canela, tembihu moɨacuasa; itaɨsɨ, mirra, mbahe sɨ̃acua vahe; uva rɨcuer, mbahe quɨra, trigo cuhi avɨye vahe, trigo avei; iyavei mbahe mɨmba ovosɨi vahe no, ovesa, cavayu, cãretomi iyavei mbiguai no.

Apocalipsis 18:14

Aipo ehi tẽira yuvɨreco co tecua guasu upe: “¡Nderereco iri acoi mbahe ha ereipota eteprɨ vahe; iyavei eremocañɨ tẽi apɨrẽhɨ opacatu nde mbahe eta nde yemboeteisa avei!” ehira.

Apocalipsis 18:19

Ipare imboasɨpave omondo ɨvɨ cuhi oãcave yuvɨreco, oyaseho iyavei ndoyembovɨhai tẽi, ipare osapucai tẽi yuvɨreco aipo ehi: “¡Too! ¡Iparaɨsu catu tecua guasu pendar! Esepia niha, evocoi tecua guasu mbahe eta pɨpe sui ava ɨ rupi oporavɨquɨ vahe oyemombahe yar yuvɨreco viña. ¡Avɨyeteramo tẽi rumo opa ocañɨ!” ehi.