Apocalipsis 15:4 - Tũpa Ñehengagüer

⁴ “Yar, nde sui opacatu ité osɨquɨyera yuvɨreco nde mboetei ãgua. Nde güeraño ité ereico seco maranehɨ vahe, opara yugüeru opacatu ambuae tecua rupindar iyavei nde mboeteira yuvɨreco. Esepia niha, sepiasa nde rembiapo supi tuprɨ vahe” ehi.

Tüpä Ñe'ëngagwer

⁴ ¿Uma pi'ä ndosɨkɨyei chira, ndesui che Yar?¿Ava pi'ä nande mboetei chira nderereko?Nde gweraño ite ereiko seko maräne'ɨ̇ va'e;opakatu tekwa ɨvɨ rupindar yugwerura nde mboetei agwä yuvɨreko,esepia ni'ä, nde rembiapo mba'e supi tuprɨ va'e ite.”

Apocalipsis 15:4 Iomraidhean Croise

Romanos 15:9

‘tomboetei ava ndahei vahe judío yuvɨrecoi vahe che Ru Tũpa iporoparaɨsuerecosa rese yuvɨreco’ oyapave. Ahe ẽgüe ehi icuachiaprɨ rupi tuprɨ ité aipo ehi vahe: “Sese che oromboeteira opacatu ava ndahei vahe judío pãhu rupi, iyavei asapucaira ndeu nde rer mboeteisa pɨpe” ehi.

1 San Pedro 1:16

Supi eté icuachiaprɨ aracahendar pɨpe aipo ehi imombehu: “Pe tapeico seco maranehɨ vahe. Esepia, che ndaseco marai vahe aico” ehi.

Apocalipsis 11:15

Imoñuvɨrío ovasa Tũpa rembiguai omoñehese güemimbɨ, ahese oyeendu ñehesa ipĩrata vahe ɨva suindar aipo ehi vahe: “Yande Yar Tũpa, Sembiporavo Poropɨ̃sɨrosar avei vɨreco co ɨvɨ pɨpendar mborerecuasa opovrɨve yuvɨreco cute. Ahe evocoiyase mborerecuar apɨrẽhɨ vaherã itera secoi” ehi.

Apocalipsis 14:7

Ipare oñehe pĩrata aipo ehi: “Pesɨquɨye Tũpa sui iyavei pesapucai seco ɨvatesa rese chupe no. Esepia niha, cũritei oyepota arɨ chupe ava recocuer rese iporandu ãgua. Pemboetei catu oyapo vahecuer ɨva, ɨvɨ, para guasu, ɨ ohẽ vahe avei no” ehi.

Apocalipsis 16:5

Co pare asendu Tũpa rembiguai ɨ rese ihañeco vahe ñehesa aipo ehi: “Nde seco tuprɨ vahe ité ereico evocoi ava upe erembouse nde ñemoɨrosa, che Yar Tũpa, seco maranehɨ vahe. Nde yɨpɨsuivendar ité ereico.

Apocalipsis 16:7

Asendu avei ambuae ñehesa mbahe reropovẽhesa renda sui aipo ehi vahe: “Supi eté, che Yar Tũpa, opacatu mbahe mboavaisarẽhɨ, nde ava recocuer mombaraɨsusa supi tuprɨ vahe ité iyavei nde reco ɨ̃vi vahe ité no” ehi.

Apocalipsis 19:2

Esepia niha, ahe oyapo mbahe supi eté vahe, ‘Tocañɨ’ ehise co cuña oyemboaguasa-guasa tẽi vahe nungar tecua guasu upe evocoi niha oseco momara tẽi vahe ava ɨvɨ pɨpendar güeco rai pɨpe; ichui Tũpa osepɨ oyeupendar” ehi.

Apocalipsis 19:8

chupe ipotasa iyemonde ãgua turucuar secose vahe, ndiquɨhai, sendɨ vahe pɨpe. Esepia niha, co turucuar secose vahe ‘Tũpa rese yuvɨrecoi vahe recocuer ihɨ̃vi vahe’ oyapave aipo ehi” ehi.

Apocalipsis 3:7

“Eicuachía avei Tũpa rembiguai Filadelfia pendar che reroyasareta rãrosar upe: ‘Co seco maranehɨ vahe, supi tuprɨ vahe ité, vɨreco vahe mborerecuasa aracahendar mborerecuar guasu David nungar, acoi omboise que oquenda, ñepei yepe que ava nomboyai chietera; iyavei acoi omboyase, ñepei yepe que ava nomboi chiete aveira, ahe aipo ehi:

Apocalipsis 4:8

Evocoi ɨva pendar irungatu yuvɨrecove vahe vɨreco oyacatu seis tuprɨ opepo yuvɨreco iyavei vɨreco opacatu güete rese güesa. Ndopɨtuhui eté arɨ, pɨ̃tu rupi aipo ehi yuvɨreco: “¡Santo, santo, santo ité secoi, yande Yar Tũpa ité, ahe mbahe mboavaisarẽhɨ, yɨpɨvé vahe ité, cũriteindar, apɨrẽhɨ vahe!” ehi yuvɨreco.

Apocalipsis 6:10

Ahe aipo ehi pĩrata yuvɨreco: “Ore Yar Tũpa seco maranehɨ, supi tuprɨ vahe, ¿mbahese vo eremombaraɨsura ore yucasarer yuvɨrecoi vahe ɨvɨ pɨpendar ore repɨsave?” ehi yuvɨreco.